Video
Read full review
2023-01-26
3479 views
襯農曆新年放假去咗啟德海濱散步，我哋預先搵定餐廳食晚飯。九龍灣新商廈Quayside海濱匯入面有間餐廳叫「Flames」，除咗有營業之餘，網上訂枱同樣可享折扣優惠🈹。佢位置唔太近地鐵站，附近又無乜嘢行，但無阻餐廳人氣，全場九成滿👏。呢度環境裝修隨意唔拘束，但略嫌燈光偏暗。12安士美國安格斯西冷扒($298)，🥩牛扒係用最簡單嘅方法煎香，以原始、原汁、原味嘅狀態呈現於客人面前。牛扒本身質素唔差，而我最欣賞嘅就係佢夠厚，咁樣食落先夠口感。生熟度如我要求嘅五成，肉身呈粉紅色，但肉質比想像中韌少少。餐牌寫伴菜係薯蓉，不過出到嚟轉咗燒蔬菜🥦，有新薯、紅蘿蔔、西蘭花同椰菜花。燒大蝦三文魚籽龍蝦汁扁意粉($148)，🍝扁意粉質感富嚼勁，兼且掛汁，但如果份量多啲就好喇。龍蝦汁雖然唔算杰身，不過都幾夠味，再加埋爆漿三文魚籽，更添鹹香。🦐燒大蝦既大隻、又新鮮，口感彈牙，並且帶燒烤嘅風味。巴馬臣芝士香燒粟米($48)，🌽燒粟米香甜多汁，配上巴馬臣芝士份外惹味。不過落單時記得要講清楚你係嗌沙律定伴菜Sides，因為英文菜名係一樣，避免誤會嘛。總括嚟講，Flames係澳洲風西餐廳🇦🇺，菜式大眾化，相信總有一樣啱
襯農曆新年放假去咗啟德海濱散步，我哋預先搵定餐廳食晚飯。九龍灣新商廈Quayside海濱匯入面有間餐廳叫「Flames」，除咗有營業之餘，網上訂枱同樣可享折扣優惠🈹。
佢位置唔太近地鐵站，附近又無乜嘢行，但無阻餐廳人氣，全場九成滿👏。呢度環境裝修隨意唔拘束，但略嫌燈光偏暗。
12安士美國安格斯西冷扒($298)，🥩牛扒係用最簡單嘅方法煎香，以原始、原汁、原味嘅狀態呈現於客人面前。牛扒本身質素唔差，而我最欣賞嘅就係佢夠厚，咁樣食落先夠口感。生熟度如我要求嘅五成，肉身呈粉紅色，但肉質比想像中韌少少。餐牌寫伴菜係薯蓉，不過出到嚟轉咗燒蔬菜🥦，有新薯、紅蘿蔔、西蘭花同椰菜花。
燒大蝦三文魚籽龍蝦汁扁意粉($148)，🍝扁意粉質感富嚼勁，兼且掛汁，但如果份量多啲就好喇。龍蝦汁雖然唔算杰身，不過都幾夠味，再加埋爆漿三文魚籽，更添鹹香。🦐燒大蝦既大隻、又新鮮，口感彈牙，並且帶燒烤嘅風味。
巴馬臣芝士香燒粟米($48)，🌽燒粟米香甜多汁，配上巴馬臣芝士份外惹味。不過落單時記得要講清楚你係嗌沙律定伴菜Sides，因為英文菜名係一樣，避免誤會嘛。
總括嚟講，Flames係澳洲風西餐廳🇦🇺，菜式大眾化，相信總有一樣啱食。聽聞霹靂烤雞係佢嘅招牌，有機會都想試吓。
Post
