中記

Open Now

Now Closed

呢間喺灣仔駱克道熟食中心屹立咗多年嘅中菜餐廳中記小廚，最近喺網上同家人口中得知佢有呢間平民飯堂嘅存在，可以算係聚餐嘅一大之選，而佢哋嘅CP值好高，所以我同小女友收工就去試吓。德國咸豬手：無諗到熟食中心入面嘅中菜餐廳有得食德國咸豬手，而佢哋一啲都唔差。豬手勁大隻，CP值好高，好細心咁起哂骨，所以食落係啖啖肉。佢呢度做到皮脆肉嫩，外皮酥脆無比，肉質軟嫩，調味得宜，唔會話太咸，蘸埋佢哋提供嘅酸辣醬汁就更加惹味。啫啫雞煲：用料豐富，火候十足，雞肉仍然嫩滑多汁。潮式蠔仔煎蛋：份量好多，肉碎，蠔仔同蛋嘅比例好均勻，而蠔仔夠哂新鮮，令到其鮮味更能突出。椒鹽鮮魷：鮮魷彈牙，椒鹽勁惹味。串燒：呢度嘅串燒種類繁多，有多款肉食，海鮮，蔬菜，而佢哋呢度嘅牛肋肉同牛舌就好推薦，前者肉味香濃，肉汁豐富，CP值好高，而後者因為採用厚切，所以食落更有咬口，佢哋呢度嘅串燒即點即燒，同埋會採用生燒，所以更能食到原汁原味。汁燒魷魚鬚：魷魚鬚加咗啲秘製醬汁去燒，食落更加香甜同惹味，令人一食上癮。蒜蓉燒原條茄子：原條茄子燒得夠哂稔，蒜蓉份量好足，蒜味勁濃郁，入哂味。