幸屋

Open Now

Now Closed

朋友介紹我試下呢間位於灣仔，主打日式拉麵嘅小店，聽聞佢嘅沾麵都好正，點左佢嘅沾麵試吓。朋友由於成日幫襯，佢話要試吓鰻魚飯，explore多啲唔同菜式。餐牌有多款拉麵/沾麵選擇，價錢大約八十至百零蚊，除咗拉麵，仲有丼飯、小食同飲品。點菜時可以根據自己口味，選擇拉麵嘅硬度、湯底濃度、粗或幼麵等。鹿兒島赤雞沾麵（$108）- 湯底可選熱或凍，我點咗熱湯，上菜時熱辣辣，味道非常濃郁，充滿鹹香。雞肉入口好嫩滑，仲配有半溏心雞蛋、椰菜、洋蔥、雲耳同埋筍，味道好夾好清新。麵質算彈牙，沾上湯底食，味道唔錯。蒲燒鰻魚丼（$98）- 鰻魚分量相當多，厚身大件，同樣配以半溏心蛋。鰻魚質素唔錯，性價比好高。芝士年糕 （$38）- 年糕熱辣辣，好煙韌，咬落去仲有流心芝士，真心好味，芝士控必食推介。