Video
Read full review
2023-06-27
241 views
📌 坡椰坡囉咪 - 灣仔天樂里6號地下🗓(27/6) 星期二 ⏰ 晚上6:30左右 💈特式：每日收工都必經灣仔轉車返屋企，但今日經過見到有間開左無耐嘅星馬菜餐廳，又諗住同同事食埋飯先一齊搭車，所以就試一試呢個新開餐廳質素如何。🥩🍔🌭🌮🥗🥯🥘🍲🍝🍣🥟🍤🍱食物：上網睇返餐廳只係今年年頭先開，主打食物都係星馬風味，例如海南雞/肉骨茶/喇沙等等，而家等我同大家講下🇸🇬味道先。馬拉肉骨茶套餐 $70 - 我本身都好鐘意飲肉骨茶，見佢個顏色咁黑，就知道藥材味夠晒濃郁，但入口都幾鮮味，排骨份量都幾多，而且炆到入晒味，個套餐除左白飯，仲會配埋油炸鬼同油菜，只係收呢個價錢都幾親民。焗農夫咖哩包(牛脷) $85 - 可選新加坡咖哩或者印度蕃茄咖哩，我地就揀左未試過號嘅新加坡咖哩，辣味偏輕微，香料味好濃郁，椰漿味好重好香，牛脷厚切，大約有7~8件，個農夫包有輕微用牛油烘焗過，外脆內軟仲好香牛油味，配埋咖哩汁食，一流。沙嗲串燒雞肉(半打) $84 - 佢地即燒嘅沙嗲燒得好香口，雞肉肉質嫩滑又有肉汁，配埋個微辣嘅醬汁，真係一條接一條食唔停口。魷魚灼通菜配馬拉汁 $50 - 呢個炒菜都幾抵食，魷魚用
🗓(27/6) 星期二 ⏰ 晚上6:30左右
💈特式：每日收工都必經灣仔轉車返屋企，但今日經過見到有間開左無耐嘅星馬菜餐廳，又諗住同同事食埋飯先一齊搭車，所以就試一試呢個新開餐廳質素如何。
🥩🍔🌭🌮🥗🥯🥘🍲🍝🍣🥟🍤🍱
食物：上網睇返餐廳只係今年年頭先開，主打食物都係星馬風味，例如海南雞/肉骨茶/喇沙等等，而家等我同大家講下🇸🇬味道先。
馬拉肉骨茶套餐 $70 - 我本身都好鐘意飲肉骨茶，見佢個顏色咁黑，就知道藥材味夠晒濃郁，但入口都幾鮮味，排骨份量都幾多，而且炆到入晒味，個套餐除左白飯，仲會配埋油炸鬼同油菜，只係收呢個價錢都幾親民。
焗農夫咖哩包(牛脷) $85 - 可選新加坡咖哩或者印度蕃茄咖哩，我地就揀左未試過號嘅新加坡咖哩，辣味偏輕微，香料味好濃郁，椰漿味好重好香，牛脷厚切，大約有7~8件，個農夫包有輕微用牛油烘焗過，外脆內軟仲好香牛油味，配埋咖哩汁食，一流。
沙嗲串燒雞肉(半打) $84 - 佢地即燒嘅沙嗲燒得好香口，雞肉肉質嫩滑又有肉汁，配埋個微辣嘅醬汁，真係一條接一條食唔停口。
魷魚灼通菜配馬拉汁 $50 - 呢個炒菜都幾抵食，魷魚用蝦醬輕輕炒過，魷魚爽口彈牙，通菜配埋香辣口味嘅馬拉汁，惹味十足。
☕️🍵🥤🧋🍺🍷🥃🍹🧉🍾🍶🥛
飲品 : 個肉骨茶套餐包左普通熱飲，但我見到佢地推介個拉茶幾特別，所以就加左$15蚊跟餐轉，大大杯嘅拉茶滿到瀉，睇住水吧個師傅一下一下咁拉，拉到起晒泡，望落都感覺到個份絲滑，而且杯拉茶唔多冰，唔會越飲越淡。
🍽環境：餐廳格局有少少似茶記，除左兩邊卡位之外，中間亦有幾張4人枱，裝修就用上偏淡嘅色系，比人感覺好舒服，而且因為新開無耐，所以整體都好乾淨企理，枱面空間亦都好夠大，上晒菜仲有大量空間，亦坐得好舒服，
🤵🏻🤵🏻♀️🤵🏻♂️服務：店員服務態度都ok，佢地會主動向客人講下店舖有咩特式/推介等，上菜/執枱速度亦都好快。
💰💸價錢：咁左成枱咁多嘅野食，兩個大男人都食唔晒，埋單都只係$300左右，仲要無加一收費，呢個價錢係灣仔區都算係相當親民。
🐲💬總結：我覺得佢地食物質素都唔錯，而且款式同種類都算多選擇，價錢又抵，我應該會再嚟試埋佢地其他食物，例如海南雞/喇沙等...
推薦指數：❤️❤️❤️❤️🤍
馬拉肉骨茶套餐
$70
24 views
0 likes
0 comments
焗農夫咖哩包(牛脷)
$85
24 views
0 likes
0 comments
沙嗲串燒雞肉(半打)
$84
3 views
0 likes
0 comments
魷魚灼通菜配馬拉汁
$50
15 views
0 likes
0 comments
拉茶
19 views
0 likes
0 comments
Post
