竺扶大班燒味

Open Now

Now Closed

呢排過灣仔開工，次次lunch time經過呢間竺扶大班燒味都多人排隊，所以今日就撞佢下午茶時段過黎，點知都要等。舖頭裏面都唔算大，但翻檯都翻得幾快！15分鐘度就有位！ 

古井燒鵝髀切雞瀨粉
上到檯面真係嚇親，隻燒鵝髀好鬼大隻！搞到d切雞好似伴碟咁。塊皮非常脆口，如果再熱d應該不得了。雖然唔係非常熱，但係要入口都有肉汁同埋甘香油分，好邪惡！肉質唔「鞋」，燒鵝汁甜甜地好夾個味。p.s 個酸梅醬應該係homemade嘅！好有果醬嘅味道。切雞配埋薑蓉都好好味！

凍奶茶
估唔到燒味餐廳可以有茶檔質素嘅奶茶！比燒鵝更加驚喜！茶香濃，入口順滑！