Video
Read full review
2023-05-08
29 views
💁♀️💁♂️ 28/4/2023(Fri), Dinner🍽星期五放工後💁♀️為食妙妙同💁A先生去咗銅鑼灣行街shopping，喺時代citysuper買完零食之後佢地就嚟到天樂里開餐，今晚我地食既係一間新開既馬來西亞🇲🇾菜餐廳，去到門口已經見到坐無虛席😱，仲有人等緊位。好彩我哋只係稍等一陣，好快就可以入座👍👍👍。而今晚我地order咗：🔆 馬拉肉骨茶套餐（$70）餐廳提供既係馬來西亞🇲🇾式既肉骨茶，即係偏藥材味既配方。上枱時用木盤盛載住一小碗肉骨茶、一小碟菜🥬、一碗白飯🍚、油炸鬼同黑醬油。肉骨茶的湯色深沉，入口醇厚舒服，藥材味道溫和。湯入面除咗有足料既三大件排骨之外，仲有一件厚肉既冬菇🍄、杞子同圓肉等。排骨煮得夠腍，輕輕一咬就骨肉分離，排骨既肉同咼之間既筋膜煮腍之後更富肉味亦帶來一點咬口，提升口感。排骨本身就咁食都好夠味好食，點一點加有辣椒絲既黑醬油之後更加惹味。🔆 福建蝦🦐湯麵（$70）麵底可以選摻摻（即係米粉溝油麵）、淨米粉或者淨油麵，我地就選擇咗要淨米粉。蝦🦐湯麵有5隻不小既蝦🦐🦐🦐🦐🦐、半隻蛋🥚、一啲炸蒜、同埋一啲開頭我地以為係豆卜，食落原來係邪惡既炸豬皮😋，好香口好好食。5
💁♀️💁♂️ 28/4/2023(Fri), Dinner🍽
星期五放工後💁♀️為食妙妙同💁A先生去咗銅鑼灣行街shopping，喺時代citysuper買完零食之後佢地就嚟到天樂里開餐，今晚我地食既係一間新開既馬來西亞🇲🇾菜餐廳，去到門口已經見到坐無虛席😱，仲有人等緊位。好彩我哋只係稍等一陣，好快就可以入座👍👍👍。
而今晚我地order咗：
🔆 馬拉肉骨茶套餐（$70）
餐廳提供既係馬來西亞🇲🇾式既肉骨茶，即係偏藥材味既配方。上枱時用木盤盛載住一小碗肉骨茶、一小碟菜🥬、一碗白飯🍚、油炸鬼同黑醬油。肉骨茶的湯色深沉，入口醇厚舒服，藥材味道溫和。湯入面除咗有足料既三大件排骨之外，仲有一件厚肉既冬菇🍄、杞子同圓肉等。排骨煮得夠腍，輕輕一咬就骨肉分離，排骨既肉同咼之間既筋膜煮腍之後更富肉味亦帶來一點咬口，提升口感。排骨本身就咁食都好夠味好食，點一點加有辣椒絲既黑醬油之後更加惹味。
🔆 福建蝦🦐湯麵（$70）
麵底可以選摻摻（即係米粉溝油麵）、淨米粉或者淨油麵，我地就選擇咗要淨米粉。蝦🦐湯麵有5隻不小既蝦🦐🦐🦐🦐🦐、半隻蛋🥚、一啲炸蒜、同埋一啲開頭我地以為係豆卜，食落原來係邪惡既炸豬皮😋，好香口好好食。5隻蝦🦐排得好工整咁喺碗入面，估唔到擺盤都咁有心機。湯底飲得出蝦味，混和咗炸蒜之後更加香口惹味，米粉索咗湯汁之後入口都爽滑好食。
🔆 魷魚灼通菜配馬拉汁（$50）
魷魚🦑爽口有魷魚味，通菜灼得翠綠爽口，加上帶蝦醬味道又帶點甜既餐廳自製馬拉汁同炸蒜，濃味得來又好食。
🔆 拉茶瀑布（套餐+$15）
拉茶既泡沫🫧真係好似瀑布咁傾瀉下來，泡沫豐盈入口細滑，我地坐得比較近水吧位置，見到店員係每杯拉茶逐杯手拉。拉茶既茶味夠香之餘飲落奶味都平衡得到，而且仲好滑，好高質既一杯拉茶。
🔆 老虎啤酒（套餐+$20）
🔆🔆🔆🔆🔆🔆🔆🔆🔆🔆🔆🔆🔆
❤🙆♂️(A先生)整體食評：❤❤❤❤❤(5/5)
❤🙆♀️(為食妙妙)整體食評：❤❤❤❤❤(5/5)
👉🏻 餐廳既佈置簡約，晚飯時間坐滿食客，一直到我地食完走既時候都係坐滿，高質抵食自然有捧場客
A先生車友指數 🚗
🛣️ 交通容易指數：🚗🚗🚗🚗🚗(5/5)
🅿️ 泊車容易指數：🚗🚗🚗🚗(4/5)
👉🏻 泊車建議時代廣場停車場🅿️，消費泊車優惠既要求唔高，食完仲可以行吓街shopping
👉🏻 銅鑼灣地鐵站過嚟都係5分鐘路程，除咗地鐵，巴士、電車、甚至小巴都有唔少選擇
🔆🔆🔆🔆🔆🔆🔆🔆🔆🔆🔆🔆🔆
Post
