Video
Read full review
2021-09-18
66 views
灣仔既日式餐廳有好多，但係主打或者有提供優質沾麵就比較難搵。灣仔幸屋係其中一間主打沾麵拉麵既餐廳。餐廳係灣仔同金鐘既中間位置，開係街市檔仔橫街旁，入口唔算易搵。雖然時間尚早，但係入座一陣後，好快連單人面壁位都已經坐爆哂，真係好好彩同同事早左一步入座，晏多少少都已經要等位了。.網友推薦，話佢地既沾麵幾出色，所以無懸念下先試佢地既拿手招牌沾麵。餐廳提供兩款常規沾麵同一款期間限定款式，本身見網友大讚佢地既特濃味噌廣島蠔沾麵，話佢地既蠔大隻鮮甜。但睇見佢地既期間限定版本 - 慢煮雞肉好似更健康吸引，所以係最後一刻轉呔。.期間限定版本：鹿兒島赤雞沾麵 (熱) 💲108⭐️4/5只可以講果然冇揀錯。先講雞肉，用左慢煮方法處理，雞肉非常嫩滑。只可惜係得4片，覺得唔多夠喉。沾麵湯頭係濃雞湯，非常濃好夠味，用來點沾面一流。沾麵份量好多掛湯，係我喜歡口感煙韌嘅麵底類別。治麵已經跟咗紫菜同埋溫泉蛋唔使額外再俾錢，呢點值得一讚。.蝦武士 幼麵💲88⭐️3.8/5同事仔話呢個蝦武士拉麵都唔錯，揀咗幼麵軟硬度適中。湯頭都係一樣係好濃郁，好重蝦味，配料亦都有好多櫻花蝦。特別一提係呢間拉麵店提供兩款叉燒配料：包括傳統嘅日
.
網友推薦，話佢地既沾麵幾出色，所以無懸念下先試佢地既拿手招牌沾麵。餐廳提供兩款常規沾麵同一款期間限定款式，本身見網友大讚佢地既特濃味噌廣島蠔沾麵，話佢地既蠔大隻鮮甜。但睇見佢地既期間限定版本 - 慢煮雞肉好似更健康吸引，所以係最後一刻轉呔。
.
期間限定版本：鹿兒島赤雞沾麵 (熱) 💲108
⭐️4/5
只可以講果然冇揀錯。先講雞肉，用左慢煮方法處理，雞肉非常嫩滑。只可惜係得4片，覺得唔多夠喉。沾麵湯頭係濃雞湯，非常濃好夠味，用來點沾面一流。沾麵份量好多掛湯，係我喜歡口感煙韌嘅麵底類別。治麵已經跟咗紫菜同埋溫泉蛋唔使額外再俾錢，呢點值得一讚。
.
蝦武士 幼麵💲88
⭐️3.8/5
同事仔話呢個蝦武士拉麵都唔錯，揀咗幼麵軟硬度適中。湯頭都係一樣係好濃郁，好重蝦味，配料亦都有好多櫻花蝦。特別一提係呢間拉麵店提供兩款叉燒配料：包括傳統嘅日式叉燒同埋豚角煮，最特別係佢竟然有得雙拼即係一個價錢兩種享受😎。同事話個豚角煮油脂比較重，如果減緊肥嘅朋友可能食返普通叉燒會比較好。拉麵亦都同沾麵一樣有紫菜同埋溫泉蛋，計落呢個價錢都算抵食。
.
芝麻手羽 💲36
⭐️3.8/5
芝麻手羽我哋擺咗一陣食埋碗拉麵先開始食，雖然唔係熱辣辣，但係估唔到仲幾脆口。芝麻味幾香，四平八穩出品。
.
總結：對我來講沾麵定拉麵一向都係一個幾難抉擇嘅課題，各有各好。仲要幸屋嘅拉麵同沾麵都有好多款口味，每一次要我做選擇都會幾頭痛。
鹿兒島赤雞沾麵
$108
70 views
0 likes
0 comments
蝦武士 幼麵
$88
55 views
0 likes
0 comments
鹿兒島赤雞沾麵
$108
31 views
0 likes
0 comments
芝麻手羽
$36
29 views
0 likes
0 comments
Post
