炭兎

Open Now

Now Closed

今日有朋友聚會，朋友推介去呢間灣仔隱世嘅居酒屋。呢間居酒屋喺合和中心對面嘅商廈，地方唔算好大，但平日晚上都坐滿人。餐廳有一個海鮮櫃可以比客人選擇當日新鮮嘅食材燒烤，而且大部份嘅位都係Bar枱設計，食客可以即時睇到炭燒好的食物上菜，設計非常用心。餐廳仲會不定期有限定食品推出，當日就係福岡枝豆節，餐廳送每台客人一碟新鮮枝豆，又送清酒一杯俾每位食客。當日我就同朋友總共叫了5個菜，全部都好新鮮而且炭燒得恰到好處，份量十足，埋單大約$400一位，物有所值。另外，如果食客生日，餐廳仲會主動為食客慶生，叫齊全部客人一齊舉杯慶祝，非常有氣氛。