Video
Read full review
2023-10-02
54 views
坡椰坡囉咪主打新加坡菜式，店舖環境乾淨企理👍🏻，人流多翻枱快，店員更係有禮貌服務態度好好🫶🏻。🍽️#焗農夫咖哩包 ($90) 🍛我哋最想試就係呢個農夫包，睇圖片十分吸引🤩。咖哩可以選擇新加坡咖哩或小印度番茄咖哩（兩款都好想試😖），肉類分別有豬🐖、牛🐂、雞🐓可以揀，我哋最後要咗新加坡咖哩配厚切豬扒🍴。咖哩椰香味偏重，而且唔算辣，我覺得唔食得辣嘅客人點呢個都完全冇問題🙌🏻。最正係農夫包有烘過，又脆又香，沾上咖喱汁食一流👍🏻。不過留意返無論係麵包定係豬扒份量都好大份嫁，麵包直頭好似湯碗咁大，一個人真係未必食得晒🤔（我同男朋友最後都要打包帶走🫣）。豬扒話明厚切都真係冇講大話，每一塊有一節手指咁厚，肉質咬落結實但唔鞋口，試得過😝！🍽️#福建蝦湯麵 ($73) 🍜見到餐牌寫推介一於試吓啦😋！麵底可以揀米粉、油面、掺掺，我哋揀咗兩樣都有嘅掺掺😝。蝦湯味道濃郁🦐，蝦味突出之餘又唔會太鹹。一碗入面仲有五隻蝦😮，大大隻易剝殼。掺掺質感既爽口又彈牙👍🏻。🍽️#馬拉盞炒菜 ($60) 🥬菜底又係可以自己揀嘅，普遍大家都係會叫通菜🤣。當日大概八點嘅時候隔離枱想叫通菜但係已經賣晒了🫣，得返生菜。菜梗爽脆唔會炒到太淋，菜
坡椰坡囉咪主打新加坡菜式，店舖環境乾淨企理👍🏻，人流多翻枱快，店員更係有禮貌服務態度好好🫶🏻。
🍽️#焗農夫咖哩包 ($90) 🍛
我哋最想試就係呢個農夫包，睇圖片十分吸引🤩。咖哩可以選擇新加坡咖哩或小印度番茄咖哩（兩款都好想試😖），肉類分別有豬🐖、牛🐂、雞🐓可以揀，我哋最後要咗新加坡咖哩配厚切豬扒🍴。
咖哩椰香味偏重，而且唔算辣，我覺得唔食得辣嘅客人點呢個都完全冇問題🙌🏻。最正係農夫包有烘過，又脆又香，沾上咖喱汁食一流👍🏻。不過留意返無論係麵包定係豬扒份量都好大份嫁，麵包直頭好似湯碗咁大，一個人真係未必食得晒🤔（我同男朋友最後都要打包帶走🫣）。豬扒話明厚切都真係冇講大話，每一塊有一節手指咁厚，肉質咬落結實但唔鞋口，試得過😝！
🍽️#福建蝦湯麵 ($73) 🍜
見到餐牌寫推介一於試吓啦😋！麵底可以揀米粉、油面、掺掺，我哋揀咗兩樣都有嘅掺掺😝。
蝦湯味道濃郁🦐，蝦味突出之餘又唔會太鹹。一碗入面仲有五隻蝦😮，大大隻易剝殼。掺掺質感既爽口又彈牙👍🏻。
🍽️#馬拉盞炒菜 ($60) 🥬
菜底又係可以自己揀嘅，普遍大家都係會叫通菜🤣。當日大概八點嘅時候隔離枱想叫通菜但係已經賣晒了🫣，得返生菜。
菜梗爽脆唔會炒到太淋，菜葉會濃味一啲，整體點都會有少少油但係唔膩。份量方面兩個人食一定夠皮🙌🏻。
🍹#青檸梳打 ($15)
青檸夠突出，但如果糖漿落少啲會更加好👅。
🍹#美祿恐龍 ($25)
美祿上面加咗棉花糖同大量嘅美祿粉，非常濃郁🥳，小朋友至愛。
Post
