風花雪月 (Closed)

今日帶從上海黎香港公幹兼旅遊嘅朋友出灣仔行吓兼食lunch, 畀佢感受一下香港高樓大廈新舊交替嘅感覺。由中環坐叮叮到灣仔，令佢由繁忙嘅商業都市， 進入咗帶有昔日老香港味道 ，平民化一點嘅灣仔。由囍帖街行到玩具街， 每一個地方都有香港情懷， 行到攰攰地， 係時候揾個坐得舒適嘅地方嘆吓。從電車路行入皇后大道中， 有間新開嘅酒店《啟。酒店》， 裏面開左間叫《風花雪月》嘅高級日本餐廳， 搭𨋢上樓上望一望環境，原來 1/F食日式西餐，2/F主要食鐵板燒，3/F係刺身壽司。 三層嘅裝修風格各有不同， 餐廳經理知道我哋第一次來， 仲好熱心咁帶我哋到三層睇一睇環境。 我哋叫咗壽司拼盤套餐，$280， 壽司拼盤有六件壽司， 每一件壽司賣相都相當精緻， 後來經理介紹知道原來壽司師傅係專程由日本請過來， 難怪壽司無論賣相或者味道都甚有日本風味。壽司之中以金目錭，左口魚，同帶子壽司最為出色。 左口魚肉質滑溜， 油脂非常豐富， 有入口即溶嘅感覺， 魚油甘香十足。 金目鯛係日本罕有嘅魚， 油脂適中，肉質柔嫩， 令人一試難忘。 帶子壽司亦不容忽視， 帶子比坊間的彈牙爽口， 不像其他雪藏帶子刺身 般軟綿綿，一吃便食出