Flagship

Open Now

Now Closed

Flagship位於灣仔船街。雖然餐廳位置是在一條細街入面，但係地點係非常容易搵到。由合和中心沿着皇后大道東向金鐘方向行，大約一分鐘左右，見到一個路口轉左手邊就會見到Flagship. 第一次嚟呢間餐廳，非常之有驚喜。我哋叫的每一道菜都好好味👍⭐️法國藍青口 Blue mussel青口份量多，用上白酒和蒜蓉煮成，配上了法包。青口鮮嫩，肉質鮮味清甜。法包沾上白酒蒜蓉汁，好味😋。⭐️Burrata salad芝士沙律 第一次這樣吃Burrata cheese, 真係非常好味！軟軟入口即溶的Burrata cheese，混合烤過的羽衣甘籃和酸甜的洋蔥一起吃，好好食👍😋呢個前菜我係好推介。⭐️21天熟成厚切豬扒12小時慢煮的猪扒，口感非常嫰，肉質超juicy. 呢個主菜又係值得推薦。餐廳用上高質食材，用心烹調，店員很清楚耐心介紹每道菜色。好有禮貌，服務態度好好。呢間餐廳會係我極力推薦位於灣仔嘅餐廳。