幸屋

Open Now

Now Closed

星期日搵個friend返去灣仔行吓，以前住喺附近，成日去機利臣街買生果。今日返去行吓，見到有間叫「幸屋」嘅拉麵店係之前未見過，咁啱又好大雨，見呢間鋪裏面幾舒適，所以就入去試吓。幸屋提供多款美味的拉麵和小食，仲有丼飯。我哋叫咗黑蒜濃厚山藥豚骨拉麵、蝦汁帆立貝沾麵、芝麻手羽以及和風餃子。#黑蒜濃厚山藥豚骨拉麵首先係我點嘅黑蒜濃厚山藥豚骨拉麵，湯頭入口冇想像中咁重味，但卻有深厚嘅豬骨味和黑蒜香氣，加上山藥的甜味，口感豐富。我一向鍾意幼麵，呢度嘅幼麵冇我平時食嘅咁幼，但都.幾彈牙。#蝦汁帆立貝沾麵我個friend就叫咗蝦汁帆立貝沾麵，我試咗少少，蝦汁湯底熱辣辣味道濃郁，大大隻嘅帆立貝再加適量嘅櫻花蝦，帶嚟兩種唔同嘅蝦嘅香味。朋友叫咗熱麵，我哋都一致覺得如果叫凍麵係配合熱辣辣嘅蝦汁湯底會好啲。#芝麻手羽芝麻手羽外皮炸得很香脆，內裡肉質嫩滑多汁。呢個真係好驚喜。#和風餃子最後是經典和風餃子，餃子皮薄餡多，非常好吃。整體來說，幸屋的食物非常美味。店內環境舒適，店員服務態度也很好。如果下次去開灣仔都可以再食。