Video
Read full review
2022-12-20
452 views
灣仔會展附近有間高級日本嘅燒肉店Sukiyakiya ，佢哋主打壽喜燒，裝修風格簡約，亦好有日本嘅感覺。日本野崎嘅A5級黑毛和牛 配6式前菜而另一款係日本產黑毛和牛(赤身肉）屬A3級 配4式前菜四式前菜分別有嚟自靜岡縣嘅溫室番茄配沙律菜、北海道原粒鮮帶子配柚子鹽、A5級和牛他他配生鵪鶉蛋、檸檬汁海蜇頭。而六式前菜有齊四式前菜之外，仲多添嚟自北海道鳳仙趾生蠔配柚子汁、三文魚籽配日本醋飯。店員會詳細介紹同埋建議由清淡嘅番茄食先，最後先食最濃味嘅海蜇頭。可以開胃之餘，亦可以清一清口腔，準備享受高級和牛帶來嘅衝擊。店員會全程幫我哋將牛肉同野菜盛烹製成壽喜燒，佢哋會細心推介每款牛肉嘅生熟度，好似A5因為油脂比例佔肉嘅7成，所以會推介全熟，令牛肉多一點嘅焦香，食嘅時候仲可以加入青檸汁，檸檬嘅酸味更能突出肉味之外，仲可以將其油膩感消減不少。亦都建議食A5和牛可以配埋白飯一齊食。亦可以令油膩感得到減少效果。A3赤身肉嘅油脂比例同A5相反，只有3成嘅脂肪，所以可點選半生熟，口感會更好，仲可以配埋新鮮日本雞蛋嘅蛋液。令牛肉入口更順滑之外，仲為其添加多一份蛋香，同牛肉中嘅壽喜燒汁好夾。野菜盛兩個餐都有，洋蔥
日本野崎嘅A5級黑毛和牛 配6式前菜
而另一款係日本產黑毛和牛(赤身肉）屬A3級 配4式前菜
四式前菜分別有嚟自靜岡縣嘅溫室番茄配沙律菜、北海道原粒鮮帶子配柚子鹽、A5級和牛他他配生鵪鶉蛋、檸檬汁海蜇頭。而六式前菜有齊四式前菜之外，仲多添嚟自北海道鳳仙趾生蠔配柚子汁、三文魚籽配日本醋飯。店員會詳細介紹同埋建議由清淡嘅番茄食先，最後先食最濃味嘅海蜇頭。可以開胃之餘，亦可以清一清口腔，準備享受高級和牛帶來嘅衝擊。
店員會全程幫我哋將牛肉同野菜盛烹製成壽喜燒，佢哋會細心推介每款牛肉嘅生熟度，好似A5因為油脂比例佔肉嘅7成，所以會推介全熟，令牛肉多一點嘅焦香，食嘅時候仲可以加入青檸汁，檸檬嘅酸味更能突出肉味之外，仲可以將其油膩感消減不少。亦都建議食A5和牛可以配埋白飯一齊食。亦可以令油膩感得到減少效果。
A3赤身肉嘅油脂比例同A5相反，只有3成嘅脂肪，所以可點選半生熟，口感會更好，仲可以配埋新鮮日本雞蛋嘅蛋液。令牛肉入口更順滑之外，仲為其添加多一份蛋香，同牛肉中嘅壽喜燒汁好夾。
野菜盛兩個餐都有，洋蔥、京蔥、舞茸菇、日本南瓜、日本旺菜、福袋、日本春菜、金菇、芋絲、紅蘿蔔、白蘿蔔。因為個鍋之前燒完和牛，所以野菜會有陣陣和牛嘅油香同肉香，當然佢哋仲會加入秘製嘅鰹魚湯同埋壽喜燒汁去煮。令食材吸收哂湯中嘅精華，令每種食材都食到有壽喜燒嘅香甜。
烏冬：用嘅係稻庭烏冬，口感煙韌彈牙，加埋壽喜燒醬汁就更好味。
甜品：有三款不同嘅甜品，分別係綠茶味嘅厥餅、十勝紅豆、和菓子，份量細細份啱啱好，甜度適中，加埋一杯嚟自靜岡縣出產嘅掛川茶，咁就夠哂完滿。
Post
