Misu Seafood Cuisine

Open Now

Now Closed

今日同朋友去左灣仔利東街隔籬嗰幢QRE plaza食lunch，嗰幢大樓有好多唔同菜式嘅食肆，我哋揀咗一間叫「Misu Seafood Cuisine」嘅日式海鮮fusion菜餐廳，入到去餐廳入面地方寬敞，環境舒適坐得幾舒服，枱與枱之間嘅空間都幾足夠。我哋嗌咗兩個一人套餐，沙律嗌咗野菜沙律同粒粒魚生沙律，野菜沙律入邊有紅菜頭、紅肉火龍果、南瓜同沙律菜；魚生沙律入面白魚嘅魚生粒粒同沙律菜，食落去好清新舒服；餐湯係蒜香蔬菜湯，入面有麵包粒粒同紅蘿蔔粒，飲落去有淡淡嘅蒜香味，湯嘅味道清淡而無負擔；前菜係刺身三款同磯煮鮑魚，刺身拼盤有劍魚、三文魚同北寄貝，劍魚肉質厚實、三文魚新鮮、北寄貝爽口；日式磯煮南非鮑魚用咗日式醬油同昆布炆煮，慢煮可以食到鮑魚嘅鮮嫩同鮮甜肉質；主菜我哋嗌咗銀鱈魚西京燒伴五花目炒雜菜同蟹高蟹肉迷你丼配吞拿魚小卷，銀鱈魚西京燒係原條銀鱈魚切出嚟，而唔係雪藏魚咁一片片 ，所以食落去冇雪味，而且肉質非常厚實鮮甜，伴碟有用魚油炒嘅粟米仔，翠玉瓜同蕃茄仔，非常香口；蟹肉蟹膏蟹籽丼飯充滿鮮味，每一啖飯都可以配到蟹嘅精華，味蕾十分滿足， 配埋餐廳自製嘅醃蘿蔔片，酸味中和咗蟹膏嘅味，吞拿魚