正潮樓

Open Now

Now Closed

喺灣仔做完嘢，同事話想食潮州菜，於是我哋去咗呢度食晚飯，叫咗以下菜式:鵝三寶 - 鵝三寶有鵝肝、鵝翼及鵝掌，再配上豆腐同花生。鵝肝滷得入味，質感粉嫩又唔嚡，最重要係只食到肝嘅香味，但就食唔到腥味或膻味，好味道；鵝翼鵝掌同樣滷得入味，肉質保持到有𡁻勁之餘，但又唔會過韌，愈食愈想食；豆腐有豆香又滑溜；鵝蛋- 蛋白部分滷得好入味，質地好爽彈，蛋黃部分蛋香味好濃，唔錯。總括而言，滷水汁應記一功，食物滷得又香又入味，同時又唔會過鹹。汕頭煎蠔烙 - 蠔烙煎得外脆內軟，食落有蛋香，蠔仔好新鮮，完全無腥味，份量亦唔少，加埋魚露調味就天提鮮。糖醋煎伊麵 - 伊麵用上幼麵，一邊煎得香脆，另一邊則有少少濕潤同韭黃香，口感好好，再加上浙醋及砂糖同吃，整體香氣更突出。餐廳食物質素同環境都不錯，店員殷勤有禮，提升了用餐體驗。