中華小館

Open Now

Now Closed

踏入2025第一日開工，決定同老公一齊晚飯撐枱腳，老公選食中餐，聽同事介紹今晚試吓灣仔呢間口碑不錯的中菜館。紫砂功夫燉湯$78今日嘅湯係太子蔘湯，用紫砂茶壺燉湯，幾特別，個湯好夠熱，鮮甜，隱約滲出少少太子蔘的甘味，湯料除咗太子蔘，還有豬肉及雞肉。我哋兩個人share一壺，每人大概有四杯。酸薑糖心皮蛋$78個糖心皮蛋外觀整得好精緻，入口幾爽口，薑汁同皮蛋好融合，好開胃既前菜。脆皮鳳梨咕嚕肉$188外皮夠哂脆加上酸甜味十足，而內面夠熱夠嫩，連同甜甜既菠蘿，家常小菜食落好美味。雜菌炆伊麵$128伊麵炆得入味又不會太腍失去口感。雜菌都好豐富，雞髀菇、冬菇等都入哂味，銀芽爽口，另有韮黃十分惹味。唔算點得很多碟食物，不過很夠吃，食物份量都恰當，味道質素不錯。