Video
Read full review
2025-02-06
18 views
新年前最後一日當然要去食餐好，就朋友放工嚟咗灣仔呢間貊炙。坐低後店員先上咗幾款泡菜，辣辣哋非常開胃，其中一款入面更加有蜆肉、青口、魷魚等海鮮，非常有特色。見好多枱都叫咗佢哋嘅Special Menu ($1588)，我哋就決定跟風，燒肉方面有和牛、鰻魚、牛舌、五花肉、挑骨雞翼同水果醬油雞腿肉。除此之外就仲有海鮮煎餅、傳統石頭鍋飯同半半炸雞3樣韓式嘢食。肉整體質素唔錯，和牛有兩款部位，每片都好大塊，肉唔會太肥，但肉質依然好腍嫩，入口肉感好重，肉味好濃郁。牛舌好爽好彈，五花肉燒到表面脆脆哋好香口，雞翼冇骨而且好嫩滑，水果醬油雞腿肉好入味食落帶d甜味。我哋仲另外加咗份韓國生菜包配自家大醬($38)，用生菜包住d肉食，就可以消除油膩感，加埋大醬就更加惹味。除咗肉類，仲有大大塊鰻魚，因為鰻魚燒嘅時間比較耐，我哋就叫咗店員幫我哋手燒。鰻魚厚身，肉質彈牙而且冇咩骨，魚皮果面燒到脆身，配埋鰻魚汁食好正。海鮮煎餅煎餅份量適中，唔會太厚實飽肚，入面有幾款海鮮。傳統石頭鍋飯熱辣辣嘅石頭鍋飯，面頭有好多唔同嘅蔬菜做配料，同辣醬撈勻之後就係滿滿嘅韓式傳統風味。石鍋夠熱所以飯底仲有脆卜卜嘅飯焦。半半炸雞兩款口味嘅
見好多枱都叫咗佢哋嘅Special Menu ($1588)，我哋就決定跟風，燒肉方面有和牛、鰻魚、牛舌、五花肉、挑骨雞翼同水果醬油雞腿肉。除此之外就仲有海鮮煎餅、傳統石頭鍋飯同半半炸雞3樣韓式嘢食。
肉整體質素唔錯，和牛有兩款部位，每片都好大塊，肉唔會太肥，但肉質依然好腍嫩，入口肉感好重，肉味好濃郁。
牛舌好爽好彈，五花肉燒到表面脆脆哋好香口，雞翼冇骨而且好嫩滑，水果醬油雞腿肉好入味食落帶d甜味。
我哋仲另外加咗份韓國生菜包配自家大醬($38)，用生菜包住d肉食，就可以消除油膩感，加埋大醬就更加惹味。
除咗肉類，仲有大大塊鰻魚，因為鰻魚燒嘅時間比較耐，我哋就叫咗店員幫我哋手燒。鰻魚厚身，肉質彈牙而且冇咩骨，魚皮果面燒到脆身，配埋鰻魚汁食好正。
海鮮煎餅
煎餅份量適中，唔會太厚實飽肚，入面有幾款海鮮。
傳統石頭鍋飯
熱辣辣嘅石頭鍋飯，面頭有好多唔同嘅蔬菜做配料，同辣醬撈勻之後就係滿滿嘅韓式傳統風味。石鍋夠熱所以飯底仲有脆卜卜嘅飯焦。
半半炸雞
兩款口味嘅炸雞，原味因為冇醬汁嘅關係外皮好脆身，做到外脆內嫩嘅口感，甜辣醬味食落就甜甜辣辣夠晒惹味。
柑橘梳打 $55 / 西柚乳酸梳打 $50
梳打入面有鮮果肉，有果味得嚟唔會太甜，冰涼透心，啱晒一邊燒肉一邊飲。
Honey Ice Cream $52@
最後當然唔少得叫埋甜品，香滑軟雪糕配上蜂巢，雪糕食起上嚟好香甜，蜜味好濃郁。
。
。
貊炙 (灣仔)
灣仔港灣道30號新鴻基中心1樓104, 104A, 105A 及 106-108號舖
。
。
Post
