中華小館

Open Now

Now Closed

想去試呢間中菜好耐，一行四人6點就訂位食晚飯，因為太早關係，未有其他食客，侍應有時間慢慢同我哋介紹同推薦菜式，十分熱情殷勤。叫左signature既芝麻燒雞、是日精選既炆水潑翅、紫砂功夫老火湯、豉汁帶子蒸豆腐、乾炒牛河、得獎奶油蝦，全部都好好食。芝麻雞外皮加入芝麻，更脆身香口，雞肉肉質依然嫩滑，但不油膩。老火湯用上瘦肉部分，完全無油份，非常清爽入味。蒸豆腐用上嫩豆腐、配上帶子，不減豆腐既清淡，但多分豉汁既美味。奶油蝦，蝦肉新鮮彈牙、外皮大致炸得乾得乾脆分離，非常易脫殼，奶油汁底非常掛汁，送飯一流。水潑翅外皮非常厚身爽口，而且用上支竹火腩炆，十分惹味。