丼燃食堂

Open Now

Now Closed

今日經過旺角見到呢間專門食刺身丼飯同埋火炙丼飯嘅舖頭招牌幾吸引，以老虎同埋鮮艷色彩為主題。九公丼 $178丼飯食材豐富，有三文魚，三文魚籽，蟹籽，帶子，海膽，炸魚，酸姜，吞拿魚肉。底下嘅醋飯，酸味適中，份量好多！虎燃四皇丼 $118材料有火炙蟹棒，左口魚，大蝦，三文魚。可以自己選擇醬汁，例如海膽醬，明太子醬，蜜糖芥末或者係芝士蟹籽等等。焦糖三文魚卷 $68賣相超吸引，店員上碟嘅時候會以火槍點火，成隻碟周圍都會被烈火包圍，好有霸氣。飯卷表面係芝士同焦糖，包裹住三文魚同埋青瓜，蟹柳，甜蛋等等嘅材料，口感豐富。