渝味曉宇重慶老火鍋 (渣甸中心) (Closed)

身為火鍋達人，香港好味嘅麻辣火鍋其實唔多，但呢間係會令我不停地推介俾朋友，所以點都要寫篇文黎讚下。首先佢有得點半份食材，所以我經常同男朋友兩個人黎食火鍋，都唔會食唔晒，仲可以點多幾樣野，而且呢度環境好乾淨，唔會食完成身火鍋味，抽風做得好好。餐前會送碗糖水，都好足料又好味。我通常會叫鴛鴦鍋，太辣的話可以食返唔辣嗰邊，上次試咗皮蛋芫荽喎，今次就是菌鍋，兩款都唔錯，但當然麻辣係我心頭好。佢經常會有唔同嘅時令食材，今次嚟有聖子同珍珠蚌，學識前者賣晒，後者非常新鮮，叫伴粉份量都幾足，口感好爽脆，唔唔會好吸油，感覺唔肥haha而我每次必嗌嘅係黃喉同鵝腸，兩樣都係啲爽爽脆脆嘅食材，雖然係內臟，但洗得好乾淨，冇怪味，唔使點調味都食唔停口。肥牛同酥肉就係男朋友嘅至愛，睇碟牛嘅花紋就知靚野，佢一個人都食咗一碟，而酥肉就係唔使淥嘅，唔脆但酥香，等食嘅時候不知不覺就會清楚一點，入邊有小小麻辣嘅調味，好似香港好少食到。再叫咗啲蔬菜萵筍寬粉蓮藕就飽曬囉，我見隔離枱食緊一人鍋，好似幾平下，等我下次都試吓先。