究極堂 (蜆殼街)

Open Now

Now Closed

知道炮台山有間好出名嘅日本餐廳，今日就同朋友嚟試試！知道佢銅鑼灣都有分店，仲要如果一大班朋友約嘅話，兩間分店都可以安排VIP房，聽落都幾吸引！😆海葡萄海藻青瓜沙律🥗✨沙律有新鮮嘅海葡萄、海藻和青瓜。海葡萄同海藻味道清新，青瓜清爽；沙律味道微酸，做前菜一流！究極丼🦐✨究極丼嘅魚生有海膽、帶子、秋刀魚、三文魚、三文魚籽、赤蝦等等，所有魚生都非常新鮮😍當中海膽鮮甜濃厚無臭味，帶子質地爽彈，赤蝦配上蟹膏令味道格外豐富；加埋用赤醋調味嘅丼飯。真係每一啖都充滿海鮮嘅鮮美😳海膽右口魚邊蝦卷🍤✨右口魚邊香嫩，炸蝦香口，仲有海膽作為點綴，呢個卷物要encore 🤩薯蓉廣島蠔🦪🥔✨廣島蠔以大阪燒醬汁汁煮過，充滿醬油同紫菜香，一咬開蠔汁爆發，呢個真係好有驚喜！薯蓉柔軟，有豐富奶油味，再加上面頭嘅芝士，真係夠晒邪惡又滿足。😈清酒煮蜆🍶✨蜆肉本身嫩滑多汁，搭配清酒嘅香醇，加埋京蔥一齊煮，真係好鮮甜。心形焦糖玉子💛✨焦糖薄薄一層夠脆口，玉子嘅質地綿密，帶有淡淡嘅甜味，外形得意岩晒打卡呀！蘋果汁🍎✨蘋果汁係用青森縣蘋果，有天然蘋果味又唔會死甜🥰由布岳荔枝酒🍷✨荔枝酒帶荔枝甜味，有一陣芳香嘅果味，後勁再有小小酒嘅後勁