Video
Read full review
2025-02-28
0 views
放lunch想同同事食下台灣嘢，見呢間食物同飲品都好似幾多選擇，好似幾唔錯，於是試吓買呢度嘅外賣～我哋叫咗個2人小食套餐，個套餐包左一個主食、四個小食、兩杯飲品；另外仲幫同事加咗兩杯飲品。蜜汁紫菜排骨飯個排骨炸得好酥脆，而且切得好薄，炸皮完全唔厚我第一次食有紫菜嘅台灣排骨飯，但啲紫菜意外地同個排骨飯幾match，有驚喜邪惡蛋之戀 (手作芋泥肉鬆脆皮蛋餅)呢份蛋餅真係一份好飽肚嘅小食，蛋餅皮好煙韌，而肉鬆嘅鹹配搭上芋泥亦都令到呢個蛋餅添加咗少少甜味，增添左味道嘅層次台北夜市小食拼盤(台灣腸,花枝丸,鹽酥雞)個小食拼盤真係好豐富，真係要share先食得曬😂平時我會覺得台灣腸好鹹，但今次識落竟然有驚喜，佢面層有少少甜甜地而且完全唔會過鹹；花枝丸同鹽酥雞粒亦炸得恰到好處。酥炸花枝丸（2粒） 同小食拼盤同一款花枝丸～鵪鶉蛋（3粒）我第一次食鵪鶉蛋，細細粒幾得意，味道似平時d 茶葉蛋，幾好味全手作芋頭鮮奶 （中杯）有兩個朋友叫咗呢個手作芋頭鮮奶，佢哋都話意外地唔會過甜，而且啲芋頭口感好滑溜，真係幾好飲。值得一讚嘅係佢哋用咗呢個樽嚟裝嘢飲，飲完仲可以留返你自己用，真係好環保。古早紅茶 （凍、大杯）我
我哋叫咗個2人小食套餐，個套餐包左一個主食、四個小食、兩杯飲品；另外仲幫同事加咗兩杯飲品。
蜜汁紫菜排骨飯
個排骨炸得好酥脆，而且切得好薄，炸皮完全唔厚我第一次食有紫菜嘅台灣排骨飯，但啲紫菜意外地同個排骨飯幾match，有驚喜
邪惡蛋之戀 (手作芋泥肉鬆脆皮蛋餅)
呢份蛋餅真係一份好飽肚嘅小食，蛋餅皮好煙韌，而肉鬆嘅鹹配搭上芋泥亦都令到呢個蛋餅添加咗少少甜味，增添左味道嘅層次
台北夜市小食拼盤(台灣腸,花枝丸,鹽酥雞)
個小食拼盤真係好豐富，真係要share先食得曬😂平時我會覺得台灣腸好鹹，但今次識落竟然有驚喜，佢面層有少少甜甜地而且完全唔會過鹹；花枝丸同鹽酥雞粒亦炸得恰到好處。
酥炸花枝丸（2粒）
同小食拼盤同一款花枝丸～
鵪鶉蛋（3粒）
我第一次食鵪鶉蛋，細細粒幾得意，味道似平時d 茶葉蛋，幾好味
全手作芋頭鮮奶 （中杯）
有兩個朋友叫咗呢個手作芋頭鮮奶，佢哋都話意外地唔會過甜，而且啲芋頭口感好滑溜，真係幾好飲。值得一讚嘅係佢哋用咗呢個樽嚟裝嘢飲，飲完仲可以留返你自己用，真係好環保。
古早紅茶 （凍、大杯）
我揀左半甜，甜度啱啱好，呢杯紅茶茶香都幾濃郁
白桃烏龍茶(熱、無糖)
同事叫左呢杯，佢話烏龍茶配埋白桃幾清香，飲落幾暖胃。
Post
