威記粥店 (Closed)

8月23日, 黎到中環搵野食, 呀菲提議去威記食粥, 因為佢都成日食, 我就第一次黎, 經過條史丹利街, 有好多大排檔, 不愧有為食街既稱號~::: 艇仔碎牛粥 ::: $11魷魚, 豬皮, 花生呢d艇仔料就不過不失, 碎牛就真係好碎, 食唔到d肉味~ 粥底幾綿要讚,味精亦唔多~::: 豬紅碎牛粥 ::: $13比艇仔碎牛粥大碗~ 粥底軟綿綿熱辣辣, 豬紅大大粒一咬即散, 碎牛足料~ 很不錯~::: 炸兩 ::: $7中規中矩~ 唔會淋pat pat, 油炸鬼都脆脆地~ 係豉油唔夠多~真係唔知中環都有d平既粥店, 啱晒d打工仔, 唔駛日日喺中環食貴價野~