串燒王 (登龍街)

Open Now

Now Closed

有次飲完野係登龍街食過呢間串燒，覺得幾抵食，今次又再次來食宵夜，依然都係點咗唔少串燒，例如燒日本番薯，同埋燒芝士年糕都係我最愛，芝士年糕外脆內軟，軟綿綿嘅芝士，配上燒到美味廚嘅年糕，真係好香。燒雞亦一串有兩隻，仲要都幾大隻，味道好香而且啖啖肉，但係我最鍾意食嘅都係牛舌心，佢唔似出邊嘅牛舌咁爽脆，不過就多咗一份林滑嘅感覺，厚切食入口好有口感·朋友就最鍾意食雞腎，用佢黎送酒，真係可以食足10串八串。最後我地最大驚喜係發現呢一碟鰻魚炒烏冬，價錢只係幾十蚊大大碟，賣相好似好普通，不過原來味道好好，烏冬軟硬度適中，烏冬吸晒啲醬汁味道，加上鰻魚雖然切咗條狀，不過食得出好肥美，呢間餐廳依然係我哋成班朋友飲完酒，坐低宵夜嘅首選。