Bingo & Cook (駱克駅) (Moved) New Location

最近成日食西餐，想食返啲東方野星期五晚係銅鑼灣，揀左都幾多好評的韓國餐廳餐廳大部分侍應都係韓國人，感覺幾地道環境都唔錯，裝修都幾有cafe feel，坐得舒服一定要推薦呢個薯仔煎餅。身為一個超級薯仔控，呢個薯仔煎餅絕對值滿分！薯仔條、麵粉同洋蔥比例啱啱好，又有洋蔥香，薯仔煎到黃金脆，外脆內軟，口感一流。但最驚喜的係配個煎餅的醬！煎餅配佢的醬一齊食簡直係天衣無縫，絕配！個醬咸咸地，有醬油香，又有蔥同芝麻味，同薯仔超夾，令個薯仔煎餅升左去另一層次！真係好好味！當然要叫韓式甜酸雞，揀左烤雞，因為我唔太鍾意炸粉，烤雞同樣香但就唔會有炸粉。不得不贊呢個烤雞，雞肉非常嫩滑，一啲都唔嚡，真係好moist好滑。個汁甜甜辣辣非常惹味！部隊鍋相對失色少少，啲料足但唔多，個麵都只係得半個，但個辣度就啱香港人口味，夠辣又唔會辣到食唔到，好味道。呢種辣配韓式拉麵真係絕配。絕對推薦的一間比較地道啲的韓國餐廳，野食好好味，環境亦不俗！