探魚烤魚

Open Now

Now Closed

之前試隔壁Fusion 法國菜，行過已被探魚傳出濃濃的香麻味吸引，今晚唔知食咩好，決定試試。7點左右到㩒飛仔，等咗大概40分鐘至有位入座；以我觀察，可能索性8點過後至嚟食，會快啲有位。第一次光顧，試下招牌嘢先，我和老公點了鮮青椒爽麻味烤魚（鮰魚），加蔬菜雜錦及豆皮，小食天團，當然唔少得自助冰粉。鮰魚肉厚少骨，啖啖肉，難怪幾款魚中最貴。烤魚麻味控制得非常適中，香麻而不太辣，對於喜歡麻味的我，真係食得好爽。小吃天團既炸物火候非常好，外脆多汁，絕無乾柴柴。自助冰粉的麥米爆珠及桂花蜜非常有驚喜，以致我同老公各自食咗3碗