探魚烤魚

Open Now

Now Closed

香港首間分店探魚登陸沙田，終於有時間去試下，估唔到lunch time時間都甘多人。烤魚都有好多款味道選擇，有辣有唔辣，今次飛甩亞女緊係叫辣啦～我地叫左「豪吉® 藤椒油鮮青椒爽麻味烤魚」，落order時仲可以備註到寫底自己想要咩辣度，我就寫左少辣😜，而烤魚原來都有3種：淩波魚、黔魚、鮰魚，我地就揀左淩波魚。「豪吉® 藤椒油鮮青椒爽麻味烤魚」烤魚已開邊，配料唔多，主要食烤魚為主，凌波魚 魚肉香滑細嫩，而且厚肉，魚骨較少，真係啖啖肉，配有鮮豆腐，豆腐豆味濃郁都幾滑。一把滿足烤羊肉串一把有10串，而且個爐底有保溫功能添。羊肉一d都唔騷㗎，肥瘦相間，細細串一啖一串，食唔停。孜然甜辣士豆仔軟糯嘅薯仔炒得好香，再加左辣粉、孜然粉，都幾好味。自助任食冰粉只需要每位$6 就可以任食啦配料都幾多款，有爆珠、桃膠、雪燕、桂花等等，冰冰涼涼解辣一流，唔覺意食左2碗添。