牧羊少年咖啡館 (德福廣場1期)

Open Now

Now Closed

-YOU & ME SET-牛油果莎莎墨西哥脆片伴酸忌廉nachos夠熱夠脆，配埋質感柔滑嘅牛油果莎莎+酸忌廉，一啲都唔膩。避風塘炒蟹肉意大利粉非常香濃蒜香同辣味，意粉彈牙，做到大排檔個種惹味。咖啡羊架伴露絲瑪利燒汁.烤澳洲西蘭花.日本南瓜一上枱就好香咖啡味，羊架肉質超稔，拍得住好多高級西餐廳質素。牛奶可可朱古中極濃朱古力，記住攪勻先飲，個底啲朱古力多到係杰身架！凍紅桑子乳酸忌廉芝士奶蓋芝士奶蓋又滑又綿，芝士味濃，絕對比得上茶飲店。酸酸甜甜好解膩。Haagen-Dazs 雪糕係oreo味，無得揀。焙茶心太軟蛋糕配雪糕可以自選雪糕味，我揀左lotus biscoff。心太軟入面極度流心，流心餡仲多過蛋糕超正！焙茶味濃，甜苦度剛剛好。