Video
Read full review
2018-08-16
687 views
深水埗好很多地道港式小炒店, 其中表表者非「愛文生」莫屬。相傳「愛文生」呢個名係源於以前有很多紋身漢係石硤尾街聚腳食飯, 所以之後老闆就開左呢間「愛文生」。而我當晚係約左一位台灣來的朋友係度食飯, 原因? 好簡單, 就係要把香港地道文化帶給遊客~香港的大排檔小炒店係香港飲食文化的代表。由於當晚係星期五, 又無訂位, 即場walk in就預左要等。去到見到已經人山人海, 最後等左約30分鐘先有位。其實石硤尾街有幾間小炒檔, 但唯獨愛文生係最旺場, D台開到街邊都有。夏日炎炎, 好彩最後被安排到坐室內, 有冷氣咁食舒服好多。台灣朋友點左樣炒聖子, 其餘由我黎發板。豉椒炒聖子皇 ($35一隻): 鑊氣差少少, 但味道不錯, 而聖子亦新鮮有口感, 朋友很讚。桂林炒生腸頭: 生腸頭很爽口, 無尿味, 而因為係桂林式做法, 好惹味, 但愈食愈辣, 食食下我都頂唔順, 好彩朋友食得辣。豉汁蒸鱔(食左一半先記得影): 呢樣好好食, 豉汁味好夠, 而條鱔新鮮, 無泥味, 肉質爽口, 份量又大, 唯一缺點係多骨, 我食魚好怕骨..... 薑蔥魚腩煲: 份量好多, 好多舊魚呀......但又係唔夠鑊氣, 有
相傳「愛文生」呢個名係源於以前有很多紋身漢係石硤尾街聚腳食飯, 所以之後老闆就開左呢間「愛文生」。
而我當晚係約左一位台灣來的朋友係度食飯, 原因? 好簡單, 就係要把香港地道文化帶給遊客~
香港的大排檔小炒店係香港飲食文化的代表。
由於當晚係星期五, 又無訂位, 即場walk in就預左要等。
去到見到已經人山人海, 最後等左約30分鐘先有位。
其實石硤尾街有幾間小炒檔, 但唯獨愛文生係最旺場, D台開到街邊都有。
夏日炎炎, 好彩最後被安排到坐室內, 有冷氣咁食舒服好多。
台灣朋友點左樣炒聖子, 其餘由我黎發板。
豉椒炒聖子皇 ($35一隻): 鑊氣差少少, 但味道不錯, 而聖子亦新鮮有口感, 朋友很讚。
桂林炒生腸頭: 生腸頭很爽口, 無尿味, 而因為係桂林式做法, 好惹味, 但愈食愈辣, 食食下我都頂唔順, 好彩朋友食得辣。
豉汁蒸鱔(食左一半先記得影): 呢樣好好食, 豉汁味好夠, 而條鱔新鮮, 無泥味, 肉質爽口, 份量又大, 唯一缺點係多骨, 我食魚好怕骨.....
薑蔥魚腩煲: 份量好多, 好多舊魚呀......但又係唔夠鑊氣, 有少少似一早煮好撈埋咁, 完全無煲仔的啫啫聲。
椒鹽九肚魚: 呢樣就做得唔錯, 新鮮炸起的九肚魚, 椒鹽味夠哂, 條魚炸得唔老。整體其實並無傳聞咁好食, 有D菜都真係少少失望, 唔夠鑊氣。或者真係太多人啦, 廚房都接應不下咁做。
但如果講氣氛文化, 又真係夠哂代表香港既。
Post
