勝面 (Closed)

由於疫情關係，就算星期六中午都唔使排隊，第一次食有好多野想試，叫到一枱都係。叫左芝士肉鬆手抓蛋餅，麻辣四寶牛肉麵，涼拌手撕鹽水雞，小碗滷肉飯。太耐無去旅行，想食新鮮製蛋餅想左好耐，呢份做到酥脆效果，芝士同肉鬆亦好夠味，但想以為當小食就太天真，佢都幾飽肚。牛肉麵叫左中辣+刀削麵，味道不錯，但牛肉一般，下次再食，會選入味好多又夠香嘅滷肉飯。鹽水雞就正正常常叫得過啦。另加鴉片黑糖波波奶茶同珍珠奶茶，因為天氣凍所以叫左熱嘅，但其實只係室溫，波波珍珠好味，係琳琳地唔太煙韌個隻，好飲嘅。服務態度好好，有機會會再黎，試埋佢其他小食。😋