夏宮

Open Now

Now Closed

呢間喺酒店裡面嘅餐廳我已經有幸食過好幾次，每次都保持一貫的好！無得輸，當然你梗係會話價錢已經反映咗，正所謂「一分錢一分貨」，比得起呢個價錢，就一定有相當嘅expectation，論個餐廳嘅裝修，味道，服務，侍應嘅醒目程度，係絕對冇得輸嘅！憑良心說，我覺得個片皮鴨好食過北京樓，片出嚟果皮係得好少肥膏黐住，所以夾薄餅食嘅時候係相當之脆口，佢嘅配菜亦都比起北京樓多，除咗傳統嘅甜醬，佢仲有蘿蔔，個份量亦都係比起北京樓多嘅，我唔知點解，但係就連個鴨鬆嘅份量都係多過北京樓嘅。有一個冷盤叫做話梅苦瓜，同虎皮尖椒，兩個小食都非常之出色，味道係好特別，好似睇到食唔到咁。大家有機會嘅話，不妨去試一次，不過講真真係唔平。