Video
Read full review
2014-01-19
7786 views
雖然筆者不是Bosco的小粉絲，但饞嘴的我知道他主打生蠔的西餐廳新開張，當然想去試試質素啦！無心插柳下在openrice搜尋公司附近的西餐廳，準備Happy Friday來一個fine dining, 竟然無意中找到Oystermine. 當時已經是星期四晚上啦，始終沒有致電預約，誰不知星期五才發現餐廳營業時間是下午五時，心想一定要下回請早啦，幸好有朋友認識Bosco, 於是幫我們搞定了 晚上七時半到達，甫進店內男經理很殷勤的招呼我們，確認booking後便引領我們就坐，我們被安排坐在生蠔吧旁邊靠牆的二人檯，位置不錯. 當時只有兩檯客人, 經理帶我們看看飛機貨的池魚, 瞓覺蟹和車厘蜆, 又逐一介紹生蠔的特性. 到之後其他客人黎佢就冇再帶佢地出去睇啦, 可能因為開始繁忙啦. 我們先order了一隻瞓覺蟹, 只是$180, 都幾抵食, 另外要左一隻車厘蜆和一打生蠔, 六款每款兩隻, 佢先黎左生蠔, 可惜有一款黎錯左, 於是擰返走, 隔左一陣又黎瞓覺蟹, 我地剛開始食佢又擰返打蠔返黎, 張檯都比較細, 同埋都隔左成十分鐘好彩d蠔仲好新鮮, 但我本身expect佢會serve完一樣先一樣,
晚上七時半到達，甫進店內男經理很殷勤的招呼我們，確認booking後便引領我們就坐，我們被安排坐在生蠔吧旁邊靠牆的二人檯，位置不錯. 當時只有兩檯客人, 經理帶我們看看飛機貨的池魚, 瞓覺蟹和車厘蜆, 又逐一介紹生蠔的特性. 到之後其他客人黎佢就冇再帶佢地出去睇啦, 可能因為開始繁忙啦. 我們先order了一隻瞓覺蟹, 只是$180, 都幾抵食, 另外要左一隻車厘蜆和一打生蠔, 六款每款兩隻, 佢先黎左生蠔, 可惜有一款黎錯左, 於是擰返走, 隔左一陣又黎瞓覺蟹, 我地剛開始食佢又擰返打蠔返黎, 張檯都比較細, 同埋都隔左成十分鐘好彩d蠔仲好新鮮, 但我本身expect佢會serve完一樣先一樣, 因為會新鮮d. 這晚餐廳供應全是法國蠔, 由淡至濃分別係Youder Fiel, Claudius, Ceaser, Lambert, Sentinelle, Ostra Regal; 除了Ostra Regal是自己選擇, 其他都是餐廳推介, Ostra Regal 比Gillardeau味道複雜，初初先有點海水鹹味，跟住鮮甜味充斥口中, aftertaste 悠長! 其餘我覺得比較好味係Ceaser, 清甜有驚喜, Lambert 比起Ceaser味道再濃一點, 層次分明, 又大隻d, 但Claudius除了好鹹好鹹之外我食唔到有咩特別, 可能係我唔識食啦 餐廳好細心將附上的檸檬用個黃色布袋入住, 等用果陣d核唔駛跌出黎, 不過我們為了嚐到原汁原味, 並冇落茄汁或檸檬汁.至於隻車厘蜆, 比平時食的大隻好多, 好鮮甜. 配左一杯香檳一杯白酒, 帶出鮮味, 真係味覺享受^_^
食晒d蠔終於可以食瞓覺蟹, 好正, 超級多膏, 大家睇相就知
食完冷盤開始入正題, 不過叫左個西班牙蕃茄凍湯配甜蝦都是凍的 , 估唔到是辣的, 不過都可以接受, 我覺得似tabascco溝左蕃茄湯, 賣相有點似shooters, 吊住隻甜蝦都幾好味的. Appetizers方面叫左個蟹肉蟹膏松花Jelly，皮蛋味好勁，好似遮蓋左d蟹膏味，可能因為之前隻蟹太鮮味。另外叫左大家話Bosco自創的鮮蠔Jelly, 有塊蠔葉附上，先食左塊葉先，我就覺得塊葉和杯Jelly冇乜化學作用, 但整體感覺都幾得意幾新奇的. 由於只叫左一杯所以我獨吞左, hehe....
Maincourse叫左白酒汁鱸魚, 上面舖有西班牙風乾火腿, 上檯時覺得份量比較細, 但食落又覺得剛剛好, 否則會好膩, seabass點左白酒汁好香, 煮得恰到好處, 肉質軟滑不會過老和粗o鞋, 切和拮起時不會散開, 下次一定要再encore. 本來想叫綠茶risotto不過都係留返下次啦, 因為太飽. 由於整頓飯食得好愜意, 加上餐廳環境氣氛很好, 於是最後叫了一個薯條松露溫泉蛋邊傾計邊食邊hea, 我們一邊將薯條點蛋蛋汁一邊食, 好重松露味. 經理最後竟然送上menu上冇的甜品, 是飛機貨的北海道雪糕蛋糕, 雖然細細舊, 但真係超好食, 我覺得竟然係成餐飯最好味的, 哈哈, 我開頭以為係椰子味, 甜甜的好滿足, 為我們這個Happy Friday fine dining劃上完美句號!
Other Info. :
餐廳設有露天座位, 還可以抽煙的, 環境不錯好舒服;
不喝酒的除了order Distill water外還可以要熱水(免費)
(The above review is the personal opinion of a user which does not represent OpenRice's point of view.)
Post
