大壹燒鵝 (啟田大廈)

Open Now

Now Closed

喺藍田社交平台群組啲人講到呢間好得，特別係燒味好出色，住得附近當然要黎試下佢有幾好食！入到去環境係好乾淨，幾光猛。晚餐主要係燒味同小菜仲有啲粉麵飯，不過黎到點都要叫個燒味試下本身想叫個乳豬飯，但職員話要訂... 唔係全隻乳豬，而係乳豬飯都需要提早預訂最後叫左個叉鵝飯$56，唔包野飲，凍飲加$7係有啲貴。叉燒係ok既，唔會好乾，少肥，燒鵝都唔差，唔係柴皮果種，不過兩者都未至於去到好好食，唔係想食過返尋味果種。跟住叫左個芥末牛柳粒，$98黎講份量較少，唔跟飯，白飯加$12，出面一般小菜加個白飯都大概$8-10如果好味都唔緊要，不過我覺得味道麻麻，呢個價錢但係我唔expect咁一般整體唔算好出色，而且以同區既茶餐廳質素同價錢黎講係唔係好competitive🙊呢間試過就算。