The Dutch Cheese and More (Closed)

有日路過呢一間小店，不單從店名，抑或從櫥窗，都見到一餅餅、大大嚿嘅芝士，當然，品種喺嚟自荷蘭啦。雖然小弟都好鍾意食芝士，但就未至於食得咁專，都喺貪方便夾吓三文治，搞吓芝士撈丁……之類，所以，都喺晌超市買啲片裝嘅擺晌雪櫃睇門口而已。既然經過，入去打個轉都無妨。店名叫「The Dutch Cheese and More」，「and More」就表示除荷蘭芝士以外，仲有啲其他荷蘭產品，「Stroopwafels」（Caramelwaffels）就是其中之一。小弟本身對荷蘭菜已經唔多認識，其實「Stroopwafels」喺咩嚟呢？都喺店員講講，又網上查查，我估香港可能未有正式中文譯名，不過，網上有見過譯為荷蘭煎餅、荷蘭窩夫餅、荷蘭楓糖餅、糖漿鬆餅……等等。可以當喺「嘉頓威化」嘅超超超薄版，兩片威化夾上糖漿，既喺荷蘭國民嘅茶點，亦喺荷蘭嘅經典小食。當然，跟「嘉頓威化」確喺好唔同嘅，攞上手，一片都已經好墜手，中間睇都睇得見夾滿糖漿，入口都算偏甜，加上喺焦糖味，所以，幾口小弟口味，口感就唔喺預期中脆口，而喺軟軟腍腍，卻唔黏牙，算幾好食。襯杯咖啡，作為下午茶幾一流。之後，再睇多少少網上資料，原來最起初