浜滝

Open Now

Now Closed

去到九龍城唔一定要食泰菜， 今日放假和屋企人去咗九龍城開餐。 賈炳達道有一間好出名嘅居酒屋， 今次一定要試佢出名嘅拉麵。 賣點係每碗拉麵都有 放有 一塊熱石可以保溫45分鐘～九州豬骨拉麵正宗嘅九州豬骨湯底， 濃而不膩， 唔會好鹹好重味。 曲嘅拉麵較硬身， 夠爽， 超喜歡！ 熱石令湯嘅溫度再 滾起， keep 住熱， 確實別有一番風味。叉燒普通一點， 玉子夠糖心， 總括來說，湯底麵條超水準！燒雞皮串燒好邪惡， 外皮燒得夠脆又有雞皮油潤的質感， 下既鹽份啱啱好，超惹味！沖繩金菠蘿串燒厚切大大件，充滿菠蘿的鮮香和甜味，又夠juicy! 大阪燒餅迷你版嘅大阪燒， 唔夠厚， 邊皮嘅位置有點兒乾硬， 充滿木魚絲還有櫻花蝦， 增添味道口感。雞頸骨漢堡串漢堡肉配合特製燒汁非常美味， 配合旁邊用洋蔥圈圈住嘅日本雞蛋， 雞肉棒蘸蛋汁極滋味。炸一口芝士 也是即叫即做， 熱騰騰嘅芝士香口美味， 芝士偏向忌廉質感，吃不停囗！柚子梳打配串燒夠冰涼！ 不過就感覺較細杯～小店細細，放滿各種居酒屋擺設，配合木製高座椅， 氣氛很好。