Video
Read full review
2023-12-03
500 views
今日放工後黎到哩間串燒餐廳。餐廳環境寬敞，有大量二人座位，另外仲有四人座位及卡位。係門口，店員已經會問客人要唔要坐熱串燒既爐，建議大家都要返個，能夠保持食物溫度～✨餐牌上每款食物後面都會加上括弧，分別有日、泰、港、川、西、新疆、台同埋餐廳自家產品👉🏻堂，方便客人選擇合適既口味🔥燒鳥鹽燒原塊雞皮 $22 串鹽燒雞軟骨 $16 串惹味爽口雞腎 $28 串原塊雞皮係餐牌上嘅推介菜式，雞皮灑上鹽同胡椒，香脆惹味；雞軟骨香口好咬；雞腎爽口，哩三款串燒淨係加上鹽調味已經好好食～🔥燒牛厚切鹽燒牛舌腩 $48 串鹽燒A4宮崎和牛 $58 串鹽燒和牛牛小排 $48 串滑捋捋韓式牛骨髓 $28串牛舌腩肉質厚身，入口邊位比較爽身，中間就較為軟腍，牛味非常突出；宮崎和牛同牛小排同樣牛味香濃，油脂豐富，入口充滿油脂香；而牛骨髓好有驚喜，質感又滑又軟，加埋上面嘅蘿蔔蓉同香蔥一齊食好夾，哩幾樣都係好食推介👍🏻🔥海鮮蒜蓉燒廣島蠔（兩隻）$44 份蒜蓉燒蟶子 $52隻 🌶️川燒活元貝 $56 隻手釣墨魚鬚 $22串鹽燒白鱔 $48串廣島蠔鮮甜肥美，放上蒜蓉及香蔥；燒蟶子爽彈，撈埋蒜蓉、蔥絲同粉絲一齊食，相當好食；活元貝加
✨餐牌上每款食物後面都會加上括弧，分別有日、泰、港、川、西、新疆、台同埋餐廳自家產品👉🏻堂，方便客人選擇合適既口味
🔥燒鳥
鹽燒原塊雞皮 $22 串
鹽燒雞軟骨 $16 串
惹味爽口雞腎 $28 串
原塊雞皮係餐牌上嘅推介菜式，雞皮灑上鹽同胡椒，香脆惹味；雞軟骨香口好咬；雞腎爽口，哩三款串燒淨係加上鹽調味已經好好食～
🔥燒牛
厚切鹽燒牛舌腩 $48 串
鹽燒A4宮崎和牛 $58 串
鹽燒和牛牛小排 $48 串
滑捋捋韓式牛骨髓 $28串
牛舌腩肉質厚身，入口邊位比較爽身，中間就較為軟腍，牛味非常突出；宮崎和牛同牛小排同樣牛味香濃，油脂豐富，入口充滿油脂香；而牛骨髓好有驚喜，質感又滑又軟，加埋上面嘅蘿蔔蓉同香蔥一齊食好夾，哩幾樣都係好食推介👍🏻
🔥海鮮
蒜蓉燒廣島蠔（兩隻）$44 份
蒜蓉燒蟶子 $52隻 🌶️
川燒活元貝 $56 隻
手釣墨魚鬚 $22串
鹽燒白鱔 $48串
廣島蠔鮮甜肥美，放上蒜蓉及香蔥；燒蟶子爽彈，撈埋蒜蓉、蔥絲同粉絲一齊食，相當好食；活元貝加上麻辣醬汁及芫荽，食落香辣惹味；墨魚鬚新鮮彈牙；白鱔肥美厚肉。
🔥野菜
孜然燒蒜蓉茄子 $36 條
茄子大大條，份量十足，上面放上蒜蓉、香蔥，再灑上孜然粉，夠曬惹味，好食推介👍🏻
🔥甜品
蜜糖燒菠蘿 $18
燒菠蘿味道香甜，又多汁～
🍺生啤 $48 （買一送一）
🍹百香果可爾必思 $32
當日生啤仲做緊買一送一優惠，串燒配啤酒，真係絕配😆
🌟 #優惠情報🌟
銅鑼灣既燒烤堂由上個月起，營業時間延長至凌晨兩點半。而且晚上十一時起，更推出$1黑松露雞串宵夜優惠(每人最多可點兩串），非常抵食～
Post
