大壹燒鵝 (啟田大廈)

Open Now

Now Closed

係藍田探完親戚之後，咁岩就搵依一間大壹燒鵝試下佢地晚餐🤗一入去就見到盡頭掛住一隻隻嘅燒鵝，真係都幾有氣勢架😛講返野食，今次就叫左佢地既二人餐，個餐包左一個燒味雙拼，兩款小菜，兩碗湯及飯，真係100分抵食呀！😛1. 燒味雙拼（貴妃雞拼玫瑰豉油雞）原本想叫佢地既招牌嘅叉燒，好可惜我黎遲左一步，叉燒已經賣哂😭😭店員之後都推介不如試下豉油雞拼白切雞，點知黎到十分有驚喜！竟然係兩隻雞脾，仲要砌到好似心形咁靚❤️豉油雞十分嫩滑啖啖肉，豉油唔係死鹹，高質！以為白切雞係平平無奇，點知佢嘅皮帶有鹹香，更加食得出濃濃嘅雞味😋2.芥末牛柳粒見到個賣相以為係好攻鼻，點知都食落個唔算太難入口，仲愈食愈過癮，牛柳粒份量都幾多，十分推薦！3.藍田小炒皇依間餐廳竟然咁大膽叫依款餸叫藍田小炒皇，但估唔到真係唔係浪得虛名，好夠鑊氣，份量好多好足料，除左有爽脆既韭菜絲外，仲有風味十足既魚乾，送飯一流呀👍👍如果大家有多d人黎食，晚市除咗有依個二人餐之外，佢哋仲有其他鑊氣小菜，總有一款岩你口味架！