齊柏林熱狗店 (翠怡花園)

Open Now

Now Closed

好耐無食燒賣皇后但屋企附近又無分店...原來齊柏林熱狗店同燒賣皇后有個「新春限定」crossover!燒賣皇后×齊柏林熱狗店《齊齊行運2人套餐》➖$128 🧧套餐包括咗LZ137 燒賣熱狗、LZ129澳式風情熱狗、燒賣x飛船小食杯、薯餅2塊、汽水2罐。🌭燒賣熱狗🌭估唔到香菇豬肉炸燒賣可以擺入熱狗，出嚟嘅效果都好夾！有大量炒香咗嘅洋蔥加埋咖哩茄汁同辣椒粉配合，味道非常香濃！🌭澳式風情熱狗🌭餡料有煙肉、菠蘿、燒芝士、紐綸堡腸，配上千島醬，味道有點像夏威夷風味的薄餅。面層好多芝士，千島醬和菠蘿最夾，帶出少少酸味中和油膩感。🥡燒賣x飛船小食杯🥡份量豐富，入面有香菇豬肉燒賣、薯格、洋蔥圈、雞塊。香菇豬肉燒賣炸得外皮香脆，內裡煙煙韌韌，咬落去菇香濃郁。🥔薯餅🥔香口嘅薯餅，入面見到粒粒黃色薯仔，想Encore！🧋齊茶奶茶🧋餐飲轉配加$20。有兩款口味，分別係回憶，英女王。回憶係香港人回憶，用鍚蘭紅茶茶葉沖出嚟嘅奶茶，茶味香濃，入口回甘。英女王就是港式茶底加入伯爵茶，使用7種茶葉沖調，口味香淳柔滑。