Video
Read full review
2023-08-14
21 views
如果要數到其中一間最喜歡的日本居酒屋， 我會選擇位置登龍街永光中心的《牛惣居酎屋》。這一家居酒屋 以各款串燒為賣點，尤其以各種刁鑽的牛部位為招牌，保證各位熱愛食牛嘅朋友一定尋求到「我最喜愛的部位」。餐廳的環境氣氛輕鬆，食客同侍應生有時會有交流。來到居酒屋，點會唔飲番兩杯。夏日炎炎最好就係飲番杯《Highball》，威士忌加上梳打水，有酒味得嚟又唔會太過濃烈， 既可以品嚐到威士忌嘅香氣， 同時又有清爽嘅感覺， 一坐下熱辣辣， 嘆返一杯真係消暑又解渴。 每一枱都會奉上清甜嘅《沙律菜配麵豉醬》作前菜， 日本椰菜夠爽身， 味道清甜， 青瓜和蘿蔔條夠爽口， 點下一些麵豉醬， 鹹鹹香香， 非常開胃。先來一串《蘆筍豚肉卷》，外層的豚肉片燒得甘香，油香十足， 包裹著清甜爽脆的蘆筍， 帶有少少咸香， 佐酒一流。再來的就是呢度最出名的其中一款item《橫間肌set》， 這四串燒牛橫格肌搽了4款各有特色的醬汁。分別有黑燒汁、 wasabi 、蜜糖芥末和 蒜香。黑燒汁帶有芝麻香；蜜糖芥末帶有點點甜， 個人覺得最能帶出牛格肌本身的肉香； wasabi味道刺激，但不太攻鼻；而蒜香就有點似蔥蒜油， 最為惹味。4款牛
這一家居酒屋 以各款串燒為賣點，尤其以各種刁鑽的牛部位為招牌，保證各位熱愛食牛嘅朋友一定尋求到「我最喜愛的部位」。
餐廳的環境氣氛輕鬆，食客同侍應生有時會有交流。
來到居酒屋，點會唔飲番兩杯。
夏日炎炎最好就係飲番杯《Highball》，威士忌加上梳打水，有酒味得嚟又唔會太過濃烈， 既可以品嚐到威士忌嘅香氣， 同時又有清爽嘅感覺， 一坐下熱辣辣， 嘆返一杯真係消暑又解渴。
每一枱都會奉上清甜嘅《沙律菜配麵豉醬》作前菜， 日本椰菜夠爽身， 味道清甜， 青瓜和蘿蔔條夠爽口， 點下一些麵豉醬， 鹹鹹香香， 非常開胃。
先來一串《蘆筍豚肉卷》，外層的豚肉片燒得甘香，油香十足， 包裹著清甜爽脆的蘆筍， 帶有少少咸香， 佐酒一流。
再來的就是呢度最出名的其中一款item《橫間肌set》， 這四串燒牛橫格肌搽了4款各有特色的醬汁。分別有黑燒汁、 wasabi 、蜜糖芥末和 蒜香。黑燒汁帶有芝麻香；蜜糖芥末帶有點點甜， 個人覺得最能帶出牛格肌本身的肉香； wasabi味道刺激，但不太攻鼻；而蒜香就有點似蔥蒜油， 最為惹味。
4款牛橫格肌串燒的牛味都相當濃郁，而且肉質柔軟， 鍾意食牛肉朋友一定要點呢個set，全部試均。
另一個非常出色嘅又串燒就是《蝦夷蔥牛肉卷》， 一咬下已經感受到蔥香十足， 每一條細蔥都好嫰，一d都無渣。
這間居酒屋有很多特色的牛內臟， 這一串《牛沙瓜》是牛的胃部， 每一頁燒起嚟都好香脆， 同時亦能保持彈牙煙韌嚼口感。
另一款《燒牛骨髓》 同樣是店家推介， 牛骨髓本身味道比較淡， 但佢有特別的口感， 軟軟糯糯的， 上邊揸上醬油以及撒上細蔥， 如果平時鍾意食牛骨髓嘅朋友必定愛上， 皆因已經唔係好多地方可以食到。
再來人氣推介《自家製燒豆腐》， 豆腐搽上咗特製醬油，外邊香脆，金黃酥脆，裏面滑溜， 配上點點木魚絲和薑蔥， 又別有一番風味。
最後留一個熱食《清酒煮蜆》， 大蜆新鮮，肥美大隻。湯底用上了昆布鰹魚作為湯底的基調， 每一口都係清甜，再加入大蜆煮到剛剛開口，蜆汁混入高湯， 帶有強烈的鮮甜味。
再加入少許檸檬汁提升鮮味， 令到整個大蜆煲層次提升。
這間居酒屋的質素非常之高，而且位於大廈之中， 唔會因為趕著翻枱食得太趕， 仲有時間可以同朋友摸下酒杯底傾下偈。
Post
