Flames (海濱匯)

Open Now

Now Closed

週末過嚟海濱一帶行吓，揀咗間西餐廳坐低。餐廳以白色裝飾為主，彩光一流，有落地大玻璃。戶外露台都有枱凳。今日點咗OpenRice最多人推介嘅牛扒試吓😋肉眼扒忌廉薯蓉真係一絕！肉眼扒煎得恰到好處，外脆內嫩，肉質多汁，搭配上濃郁嘅忌廉薯蓉，口感絕配。凱撒沙律都唔錯，沙律菜新鮮脆口，淋上特製嘅凱撒醬，味道香濃，仲有啲脆脆嘅麵包丁，增添咗層次感，食得相當舒心。芝士蛋糕，口感滑溜，芝士味濃郁，底部嘅餅底香脆，甜而不膩，非常適合喜歡芝士嘅我。西蘭花湯清淡可口，湯底鮮香，西蘭花嘅味道唔會太濃，整體好清新，對於想輕食嘅人來講，係個好選擇。飲品方面，菠蘿汁同可樂都幾好。菠蘿汁清甜可口飲落去有啲清爽感。