Video
Read full review
2018-12-11
485 views
前排潮汕牛肉火鍋好鬼Hit，我只係大陸食過一次，但成日都對於依個火鍋念念不忘。最重要係因為潮汕牛肉火鍋，可以食到唔同牛既部位，而食法好講究之如～又可以食到牛既鮮味，絕對係牛魔王們～必定要試！今次就揀左來依間好多分店既616牛肉火鍋專門店來試。潮汕牛肉火鍋既湯底有一個特式，為左肉味唔會比湯底搶走左，所以味道一般既湯底比較清淡，最常見既就係牛骨清湯，但616既湯底就選擇多好多而味道都調較得岩岩好，不過淡亦都不過濃。店家有提供7款湯底有：牛骨清湯、牛雜湯底、溶岩沙嗲湯底、酸菜湯底，青花椒辣湯、鮮牛油麻辣湯、花雕醉蜆鍋。識食又貪心既我當然揀雙拼啦！今次就揀左青花椒辣湯 同埋牛骨清湯～ ($78)牛骨清湯加入左粟米、白蘿白同大量既豬骨，味道清甜，絕對要叫一個牛骨湯來帶出牛肉既鮮甜！而青花椒辣湯唔似鮮牛油麻辣湯甘辣，反而係辣椒湯底既清泉，味道更為清香同辣味更容易接受，飲落口都絕對無問題～當然唔少得今日既重頭戲，我地總共叫左6款既唔同既牛，而每款牛都好好食～好難分高下。但我同男朋友仔對於依6款牛品嚐完，為左下次來方便食，提醒自己就列出以下排名：第一名：牛心 ($48)，今次係我第一次牛心，牛心既口感
前排潮汕牛肉火鍋好鬼Hit，我只係大陸食過一次，但成日都對於依個火鍋念念不忘。最重要係因為潮汕牛肉火鍋，可以食到唔同牛既部位，而食法好講究之如～又可以食到牛既鮮味，絕對係牛魔王們～必定要試！今次就揀左來依間好多分店既616牛肉火鍋專門店來試。
潮汕牛肉火鍋既湯底有一個特式，為左肉味唔會比湯底搶走左，所以味道一般既湯底比較清淡，最常見既就係牛骨清湯，但616既湯底就選擇多好多而味道都調較得岩岩好，不過淡亦都不過濃。店家有提供7款湯底有：牛骨清湯、牛雜湯底、溶岩沙嗲湯底、酸菜湯底，青花椒辣湯、鮮牛油麻辣湯、花雕醉蜆鍋。
識食又貪心既我當然揀雙拼啦！今次就揀左青花椒辣湯 同埋牛骨清湯～ ($78)牛骨清湯加入左粟米、白蘿白同大量既豬骨，味道清甜，絕對要叫一個牛骨湯來帶出牛肉既鮮甜！而青花椒辣湯唔似鮮牛油麻辣湯甘辣，反而係辣椒湯底既清泉，味道更為清香同辣味更容易接受，飲落口都絕對無問題～
當然唔少得今日既重頭戲，我地總共叫左6款既唔同既牛，而每款牛都好好食～好難分高下。但我同男朋友仔對於依6款牛品嚐完，為左下次來方便食，提醒自己就列出以下排名：
第一名：牛心 ($48)，今次係我第一次牛心，牛心既口感界乎肝同埋腎既口感,有點清脆得來有點札實，仲牛味相當濃郁，相當特別！～
第二名：手打牛滑 ($48)，手打牛滑就好似一舊舊既細漢堡牛扒甘，好札實得來 又唔會好乾好鞋口，反而口感岩岩好，真係估佢唔到甘好食！～
第三名：滑尾龍 ($48)，依個部位係牛後腿既肉條，肉既組織係比較密，所以本身比較黏韌，所以店家專登加入左雞蛋，令到口感軟滑得來又有口感！仲帶點蛋香味～正
第四名：安格斯─橫隔肌 ($48)，依個位置比較特別，係肋骨既內側 同橫隔膜相連，肉味係最濃最濃，想食牛味濃既部位，依個一定係首選～
第五名：美國天然─肩胛翼板 ($48)，依個位就界乎於下肩胛眼肉同埋肩胛小排之間，佢既油花係相當多，而口感比較嫩，所以入口即溶！
第六名：澳洲和牛─牛頸脊 ($68)，依個部位就係牛後頸部位，佢既油花都唔少～同埋分佈比較平均，如果想食到肉味同入口即溶既感覺就可以揀依個位，一次試晒兩種味道！
另外，大力推介大家一定要試，616既醬汁！！！絕對係出面食唔到既味道！而我首推秘製牛肉汁，味道帶點壽喜燒既甜味，又有中式豉油既咸香味，沾埋汁既牛肉同埋夾埋蔥花，簡直一絕！！而自家鮮牛油醬油亦都唔錯，佢既咸香味會比較重，所以大家可以因應自己既口味去選擇，我個人既首選絕對係秘製牛肉汁！！！
依間616簡直好抵食，我地兩隻野賣單都係$200位，而平均每碟牛都係$48-68既範位，份量適中，價錢又平，可以比你試多幾款！好想再去多次！
Post
