Video
Read full review
2018-05-18
164 views
今晚去左間牛肉專門店，餐廳環境別具特色，一入門口就見到部街機，客人可以坐係度打機呢！行入啲仲精緻，好似返左六十年代，好有風味！但設備一啲都唔落後，佢哋落單係用ipad，環保又快捷！入面食物選擇唔多，差唔多全部都係牛肉，但就將成隻牛分到好仔細，每個部位都有簡介，大家可以因應自己嘅口味而點！每碟價錢唔貴，由$48-68，而且份量剛好，可以點多幾款一齊食～我地點左牛骨清湯，入面有粟米、白蘿蔔同幾舊牛骨，湯頭較清淡，唔會好油膩，之後再落牛肉，湯底就會變得較重牛味！牛肉方面，我地點左牛柳、三花腱、牛舌、熟板筋、封門柳、金花趾、牛駝峰。當中我個人覺得最正係熟板筋，睇佢黃黃白白咁，唔似平時台灣牛肉麵嗰啲滷牛筋，但味道口感一啲都唔輸蝕！味道吸收左湯底嘅濃香，而口感非常軟滑！軟糯嘅牛筋真係超正，但煮牛筋需要一啲時間，建議一開始就放落去滾，煮得越來越軟糯！第二愛係金花趾，食落其實係牛𦟌。我鍾意筋夠多，口感彈牙又爽脆！而牛肉較濃味嘅有牛柳、三花腱同封門柳，三款牛肉嘅脂肪比例都唔高，但牛味同口感相比之下，明顯係封門柳較為優勝！牛柳食落肉味都OK，但就較另外兩款鞋口。牛舌口感爽口彈牙，但我就麻麻地呢個部位，友人
但設備一啲都唔落後，佢哋落單係用ipad，環保又快捷！入面食物選擇唔多，差唔多全部都係牛肉，但就將成隻牛分到好仔細，每個部位都有簡介，大家可以因應自己嘅口味而點！每碟價錢唔貴，由$48-68，而且份量剛好，可以點多幾款一齊食～
我地點左牛骨清湯，入面有粟米、白蘿蔔同幾舊牛骨，湯頭較清淡，唔會好油膩，之後再落牛肉，湯底就會變得較重牛味！牛肉方面，我地點左牛柳、三花腱、牛舌、熟板筋、封門柳、金花趾、牛駝峰。
熟板筋
6 views
0 likes
0 comments
金花趾
33 views
0 likes
0 comments
而牛肉較濃味嘅有牛柳、三花腱同封門柳，三款牛肉嘅脂肪比例都唔高，但牛味同口感相比之下，明顯係封門柳較為優勝！牛柳食落肉味都OK，但就較另外兩款鞋口。
牛舌口感爽口彈牙，但我就麻麻地呢個部位，友人就好鍾意咁食曬成碟！
牛駝峰肥瘦比例均匀，油香肉味都好突出，食落軟滑唔鞋，味道口感應該比較大眾化！
蔬菜點左比較特別嘅羽衣甘藍($28)，身為超級食物嘅佢竟然出現係火鍋店，當然點佢！可惜佢嘅口感偏粗鞋，唔係個個都鍾意～不過滾耐啲就會淋啲好食啲！
仲有野菌拼盤($28)，入面有啡色嘅海鮮菇，肥美厚肉，口感爽脆，夠特別！
最後不得不提，佢地環境比我感覺夠乾淨衛生，客人食完張枱會抹得好乾淨，唔係隨便掃兩下就算！整體感覺唔錯，牛肉愛好者可以一戰！
Post
