SLOW COW

Open Now

Now Closed

今日排咗半小時，終於食到呢間小店～🐮Slow Cow 招牌（自選肉類＋主食+醬汁＋自家製忌廉）我同朋友揀咗日本大分和牛和慢煮熟成牛肉。和牛每日限量20份，手快有手慢冇，切得好夠薄，有入口即溶的口感。熟成牛肉較厚身，但經過慢煮，一啲都唔會乾身。兩款肉保持粉嫩，美味。食肉獸可以加大牛肉嘅份量。之後，就到揀飯。本身想揀炒飯底，可惜賣晒，唯有揀番珍珠米～醬汁方面，我揀咗咖喱蛋黃醬，估唔到咁惹味，咖哩味濃又唔辣。另一款，紅酒照燒汁就似日式燒汁，甜甜地。兩個風味，配搭埋自家製鮮忌廉，又幾趣緻。想令到碗飯賣相靚啲或者牛肉再滑啲，提議加隻日本蘭王生雞蛋黃～除咗日本丼飯，仲有美式小食-經典脆炸薯條。