米青蛋包飯公司

Open Now

Now Closed

係啱啱過去嘅星期六，知道佢第一日試業就立即走去試食，味道真係唔錯喎，嗰日叫咗牛脷蛋包飯，啲牛脷好大件，牛脷煮得好腍，加咗兩件炸蠔，好好味。對比平時出面食嘅牛脷，佢真係幾好。我平時講話OK嘅話，已經係唔錯，但今次我同老婆講：好味喎！價錢唔太貴，兩個人食午餐，加add-on嘢食，再加埋嘢飲，都係大約$230 -$250。仲有，啲飯可以轉椰菜花飯，女仔去食都得㗎。下次同狗狗去D2 Place行街街，都會再去食呀。p.s. 嗰日太肚餓，掛住食唔記得咗影相不過佢鋪面係open area，所以唔係好夠冷氣，再加上我啱啱行完街，再飲熱飲，就有少少熱。因為果日係第一日試業，未來餐牌可能會變。