616牛肉火鍋專門店

Open Now

Now Closed

行尖沙咀，依排想食下火鍋，但質素又想好少少，仲想食得清淡啲，真係買少見少，係依度大多數都係for大陸人嘅價錢，真係冇乜選擇。同埋朋友買完野近近地，見到呢一間睇落幾整潔，食嘅嘢又啱我地口味，咁我哋就入去試一試。依度落單係電子化嘅，㩒下個平板就可以揀你食啲咩。我地今次就揀咗個鴛鴦沙嗲牛做湯底，仲叫左滑尾龍，金花趾，牛駝峰，手蝦滑，鴛鴦沙牛湯底，慢煮牛筋腩，響鈴同皇帝菜。依間主要係食牛嘅，佢分唔同部位食，真係有唔同嘅層次。先講個湯底，依個湯底真係冇得頂，佢啲牛味好足夠，加埋啲蘿蔔同其他嘢，食到中途都忍唔住要飲啖湯，最尾食埋舊蘿蔔真係好入味。滑尾龍需時15秒，佢有張紙教你時間嘅熟度。依個係牛嘅背嘅後方，佢配埋隻生雞蛋上，食落似生滖粥嘅滑牛。金花趾喺牛嘅腳較上位置，佢嘅脂肪分佈好平均，食落超重牛味，我個朋友超鍾意。牛筋腩，個腩肉有層次，牛筋就等佢滖耐啲，我估佢之前有滖過下，因為我地都係滖左半個鐘左右就食，嘩，超淋，勁好食。牛駝峰喺牛背嘅較上方，依個位超好食，你睇落薄薄地一塊，但食落口係有咬口之餘又唔韌，肉同油好均勻，牛味好重，食完仲會回香，值得一試。