Gyutan Toku牛舌專門店

Open Now

Now Closed

土瓜灣呢間牛舌專門店位置唔算難搵，店面雖然唔大，細店黎講，坐位都叫闊落。裝修簡單得黎偏向日式風。黎得呢到當然要試下佢嘅牛舌定食啦！睇餐牌可以見到，食客可以自行選擇要正常1倍分量嘅牛舌定係1.5倍或2倍嘅。極上牛舌定食1.5X極上牛舌用嘅係牛舌心，食落係比較軟嫩。職員建議食用時可以點芥末及檸檬汁。個人始終覺得點鹽食好食過點芥末食。食到最後幾片如果覺得膩，可以加上少少檸檬汁增加清新感嘅同時又可以解膩。熟成牛舌定食1.5X其實齋睇外表一般人真係睇唔出有咩分別。熟成其實係一種肉質處理手法嘅名稱，經呢個手法處理嘅肉質會更柔軟。兩種牛舌嘅烹調手法都係炙燒，味道上冇咩太大分別，但口感上就真係唔同啦。對比起極上牛舌嘅口感，熟成牛舌更有韌性，愈熟嘅地方肉質愈緊緻。係兩種唔同嘅口感體驗。配菜方面各方面都唔錯，海蜇、牛蒡都好爽脆，湯唔會好鹹，蒸蛋內有冬菇、蟹柳等，都好滑嫩。