NEXT Shikaku

Open Now

Now Closed

原本想去隔壁同集團嘅主打雞白湯拉麵，但 望到長長嘅人龍，喺咁熱嘅天氣下放棄咗……向前行多兩步，有一個講日文嘅人好親切咁樣介紹日本牡蠣拉麵。因為未食過蠔主打湯底，所以就決定試一下。店家安排左坐bar枱，可以睇住師傅煮麵。呢度menu非常單一，好適合選擇困難嘅人。每碗湯底都加上牡蠣油做基調，再有清湯白湯沾麵變化。一上枱，先飲一啖湯，平時好怕腥味嘅我都接受到，好似濃縮咗好多隻蠔嘅鮮味係一啖湯裏面。另外，蠔湯配上洋蔥粒，意想不到嘅配合。麵質粗幼適中，掛湯有口感，值得一讚。煙燻溏心蛋，煙燻味突出但整體隻蛋就冇乜特別。下次嚟想試埋沾麵，但百幾蚊碗仲要加一，真係有d overprice。