Video
Read full review
2024-12-03
69 views
去到荃灣，打算買串燒返屋企做餸，不過呢度開到凌晨12點，夜晚肚餓要食宵夜，都可以食串燒飲啤酒，各款口味都有。去到無論堂食外賣都係QR CODE落單，原來外賣仲有九折添。鹽燒五花腩 $29串燒店常叫嘅選擇，五花腩厚切燒，滿足多啲，不過都係多油啲，所以燒得乾身啲會啱我啲。燒銀杏 $19銀杏即係白果，燒肯定係日本食法。已經去芯，加上燒得微焦，即使無咩調味，已經只有香味，完全無曬苦味。雞肉小九子（4粒）$32有雞軟骨嘅雞肉丸，加上醬汁同木魚花，好食，但唔算特別。山藥福包 $25日本油揚福袋，通常都係打邊爐，變成燒烤已經好特別。更特別嘅係裡面嘅餡料有淮山同菜蓉，食落有拉絲同清新香味，但口感有啲似硬豆腐，整體好夾。蒜蓉燒帶子 $42*3=126呢度嘅帶子唔係元貝，肉係心形嘅。今次呢隻非常厚肉，平時都係蒸，但今次食燒真係正好多，有油嘅感覺香口好多，唔會太清，但一樣有鮮味。蒜蓉蟶子 （2隻）$80蟶子係串燒店比較常見嘅海鮮選擇，呢度燒得唔過火，所以比平時嘅更多汁，但少左燒嘅感覺。焦糖骰仔豬手 $22未擺入口，淨係見到成隻鹹豬肉起肉，切粒再串起，已經見到呢間舖頭嘅創意啦！但原來呢個做法係好食嘅。咬落去，
去到無論堂食外賣都係QR CODE落單，原來外賣仲有九折添。
鹽燒五花腩 $29
串燒店常叫嘅選擇，五花腩厚切燒，滿足多啲，不過都係多油啲，所以燒得乾身啲會啱我啲。
燒銀杏 $19
銀杏即係白果，燒肯定係日本食法。已經去芯，加上燒得微焦，即使無咩調味，已經只有香味，完全無曬苦味。
雞肉小九子（4粒）$32
有雞軟骨嘅雞肉丸，加上醬汁同木魚花，好食，但唔算特別。
山藥福包 $25
日本油揚福袋，通常都係打邊爐，變成燒烤已經好特別。更特別嘅係裡面嘅餡料有淮山同菜蓉，食落有拉絲同清新香味，但口感有啲似硬豆腐，整體好夾。
蒜蓉燒帶子 $42*3=126
呢度嘅帶子唔係元貝，肉係心形嘅。今次呢隻非常厚肉，平時都係蒸，但今次食燒真係正好多，有油嘅感覺香口好多，唔會太清，但一樣有鮮味。
燒帶子
$42
9 views
0 likes
0 comments
蒜蓉蟶子 （2隻）$80
蟶子係串燒店比較常見嘅海鮮選擇，呢度燒得唔過火，所以比平時嘅更多汁，但少左燒嘅感覺。
蒜蓉蟶子 （2隻）
$80
8 views
0 likes
0 comments
焦糖骰仔豬手 $22
未擺入口，淨係見到成隻鹹豬肉起肉，切粒再串起，已經見到呢間舖頭嘅創意啦！但原來呢個做法係好食嘅。咬落去，有豬手嘅香味，皮唔係一般嘅硬，只有微脆，但加上蜜糖味，就係自己去燒烤場嘅味道。好懶，但可以得到港式燒烤嘅精萃。
惹味蒜芯$14
蒜芯比韭菜無咁刺激，第一次食燒嘅味道，都食到裡面嘅水份。
燒白福花$16
福建菜花比一般白椰菜花鬆散，一般都係炒肉，但原來串燒先利用到佢特色。竹籤插住，表面面積比較薄，有焦香之餘，都可以保留蔬菜嘅水份。
味噌一口椰菜 $24
呢種椰菜仔，點都有陣苦味。不過加味噌燒完，少少苦味，反而更開胃。
燒西蘭花苗 $20
睇落係西蘭花同菜心嘅混種，燒出來嘅感覺都係。西蘭花嘅爽，菜心嘅軟，但又唔會硬同過分出水，原來呢種都適合燒。
蛋黃醬白磨菇$28
平時蘑菇只會鹽燒，燒出來太乾，又淡而無味。加入蛋黃醬，令佢有少少水份，係一個巧妙嘅設計。
蛋黃醬白磨菇
$28
0 views
0 likes
0 comments
雪梨牛肉卷$38
肥牛一般都係包金菇，包雪梨好特別，比金菇清爽。因為裡面嘅餡，非常爽鮮芋，第一啖原來會感覺似食沙葛，之後雪梨嘅香甜，同埋果汁，先慢慢出來。
燒牛柳 $34
牛柳燒得好腍，都無過多調味料，食到牛肉本身嘅香味。
鹽燒牛小排 $45
牛小排本身牛肉味比牛柳濃，所以鹽燒都唔會減少牛肉香味。
豚肉大葉卷$24
大葉即係紫蘇，五花腩片包紫蘇葉，少少香料味，真係少左好多肥膩感。
豬肉荔枝卷$34
都係捲，裡面放荔枝，又係另一種感覺。荔枝香甜同果汁，真係可以減少豬肉嘅肥膩感，更加開胃。
原條肉碎茄子 $56
原條茄子就食得多啦！加左蔥花同蒜蓉油已經好正，再加肉碎，原來唔係加肉味，反而係增加口感，有下次！
柚子胡椒配日本淮山$34
厚切燒烤清清地，面頭有拉絲，如果想要多少少層次，點柚子胡椒，少少刺激，更正。
外賣盒 $10
小計：$710
九折：$640
Post
