一笑爐端燒

Open Now

Now Closed

依度建議先食海鮮再食野菜，最後食肉，上每樣食物時候都會簡單介紹一下，食物整體都好高質，用餐體驗唔錯～招牌花甲粉嘅湯底用咗海鮮去熬製，所以食落唔會只係死辣，而係帶有海鮮味，粉絲索晒惹味嘅湯汁真係食唔停口，包子貝隻隻飽滿多汁，難怪係招牌菜👍蘇格蘭牛油蟶子皇燒得啱啱好，肉質非常柔軟而且鮮味，食材本身嘅質素好好，而上面嘅明太子薄脆同埋用日本蔥整嘅醬汁提升層次感🆙一夜干特大魷魚係自家用清酒醃完再風乾，魷魚彈牙份量多，非常好食😋白粟米味道清甜🌽雞肉係阿波美雞，調味亦唔會過重，燒得啱啱好，內臟唔會燒到全熟，保留返個口感同埋肉汁，雞腎燒得好爽口，絕對唔會乾柴，雞肝、雞心嘅生熟度都拿捏得好好！牛舌芯、和牛挽肉燒菠蘿嘅表面做咗焦糖化效果，食起嚟又甜又脆🍍