樂天皇朝 (利舞臺廣場)

Open Now

Now Closed

今日喺銅鑼灣行完街，去到利舞臺附近搵嘢食，發現到呢間新開嘅上海菜館，喺利舞臺16樓，好就腳。呢間菜館裝修華麗，座位非常舒適、寬敞。一入去揀咗一壺茶，茶味好清新。另外上咗一碟前菜，係花生栗子，好似用調味料煲過嘅感覺，好腍好易入口，好好味，必食。見到餐牌推介「特式皇朝小籠包」，一籠有八個顏色，每個顏色唔同味道，好特別、好有特色，每個小籠包都鄙薄餡靚，塊皮好香滑，每一個入面都充滿湯汁，好香濃、好正宗。其中，我最鍾意芝士味小籠包，感覺好似中西合璧，好特色，係呢度獨有嘅口味。接着係「李白醉雞」，醉雞汁好香濃，好重嘅酒味，雞肉非常鮮嫩香滑。另外仲有「芝麻醬油麥菜」，油麥菜凍食，入口爽脆無比，配合日式芝麻醬，好特別，非常推介。除此之外，「蘿蔔絲酥餅」亦都好正，酥皮做到外脆內軟，非常香口。主菜「皇朝酸菜魚」，酸菜魚用了十足，配合芽菜、酸菜、粉條等等，除咗魚肉新鮮，配菜都非常入味，大大碟好抵食。甜品揀咗「豆沙窩餅」，熱辣辣、即叫即整，豆沙餡料唔算太甜，好適合少甜嘅食客。